تجمع المتفائلات بالحمل لشهر 11﮼﮼& 12 لعام 2021م

الله يرزقك ويرزقني وكل اللي هنا ياااارب
الله على كل شيء قدير

الحمدلله لو لا الأمل متنا من كبر الهم
❤️

الدكتوره اليوم قالت لي احتمال احتاح لحقن مجهري عشان مشاكل زوجي💕 الحمدلله ع كل حال ويارب الموعد قريب

كم سنه لك ؟ بحكومي تتعالجين ؟

الحمدلله الطب تطور وفيه أمل والأمل بالله كبير
لا تاكلين هم وتفكرين ماقدره الله سيكووون
شوفيني لا بزوجي عله ولا انا والله ما اذن لي بالذرية
مو شرط مشاكل زوجك يعني الحمل احتماليته ضعيفه!
الله مايصعب عليه حتى لو حيواناته معدومه وصفر لو اراد الان اكرمك لانه قاااادر
واللي مافيهم شيء سليمين قادر مايعطيهم لو ايش مايسون لانه الله المتصرف في امورنا والادرى بمصالحنا
الولد استخلاف بالارض ونعمممممه عسى الله لايحرمني ولا يحرمك منها لكن مو كل شيء حنا موقفين حياتنا ومعلقين سعادتنا بهم وهذا اكبرر غلط لابد ننظر للنعم حولنا راح نلاقيها كثير جدًا جدًا
اخيرًا
لا تسمعين لا للدكتور ولا لغيره اسمعي كلام ربك" فقلت استغفروا ربكم .......... " ( ويمددكم بأموال وبنين)
استغفري كل يومك
+ سورة البقرة " اخذها بركه " والبيت اللي تُقرأ فيه البقره مايدخله شيطان
+ الصلاة على النبي ﷺ " حديث ابي لمن جاء للرسول ﷺ وقاله في معنى الحديث " اجعل لك دعائي كله؟ قال له الرسول اذاً يُكفى همك..." يعني لو ماتدعين باللي تتمنينه بس تصلين على النبي ﷺ بعد مده بسيطه راح تبشرينا
واقراي الحديث من قوقل

ونعم بالله .. الله يجبر خاطرك .. انا الحمدلله ماعندي مشاكل حتى هرمون التبويض تحسن زوجي عنده ضعف بسيط ولزوجه و حيوانات بطيئه .. انا سنتين ماحملت لكن كنت اراجع بخاص من بعد السنه .. اما بالنسبه للحكومي انا راجعتهم هالشهر الي هو مستشفى قوى الدفاع وحولتني ع العياده عشان امور الحقن المجهري .. حاليا استخدم عشبه عبائه السيده .. كوب باليوم ومنقوع القرنفل كوب او كوبين ..