بيرجع طليقته

السلام
والله طليقة زوجي الاولى تطلقت من زوجها
انا احسبها متزوجة وعايشة لا وين طلعت مطلقة من تسع شهور تقول تطلقت بس ماحد يدري هي سرية ماحد يدري بخبرها حتى ولدها كان ساكت شكلها مهددته
بعدين طلع الخبر لانه ليه لانه طليقها الثاني من منطقة ثانية ماعنده اهل هنا
والله زوجي لما سمع بالخبر هذا تغير وجهه
فجأة قام يتسبب على ولده بمشاكل قام يصرخ عليه ويسب فيه ويطرده مع انه من قبل شايله على كفوف الراحة
تاري قاعد يمهد ويخطط
بعدين قال لازم ارجعها تحتوي ولدها ببيت واحد
اخيرا اعترف بالنية حقته
مع انها كانت مذوقته الضيم بس مثل مايقولون القط يحب لي يخنقه
قلتله بترجعها قال اذلفي من وجهي برجعها غصب عنك ولا تنسي انك جيتي عليها واذا رجعت لك ليلة ولها ليلة وكذا ما اكون ظلمتك لانها زوجتي الاولى ولا يعتبر اني تزوجت عليكي ولا تقهري نفسك بالعكس خذيها بروح رياضية انتي الثانية وانتي لي قهرتيها فتحي عقلك
والله اشوفه جدد كل شي بالبيت الثاني عشان يكون مستعد في حال رجعت لانه يخطط لبعيد اثاث جديد وديكورات وغرفة نوم رومانسية
قلتله يمكن ماترجع قال بعد كل هالشغل اذا مارجعت بتزوج عليكي عشان أعوض الخساير بعدين قال امزح بأجر البيت
بس يخاف يروح لها يمكن تمسح فيه الارض قام يدز امه حتى امه تخاف منها فالحة بس تستقوي علي هي وبناتها بالعيد اتهموني اني سممتهم بالكيك
بعدين قال حق ولده روح قول ل امك ابوي جاي يزوركم سلامات كل هذا خايف منها
الولد اليوم راح لها بالرسالة ويبغاله كم يوم الله يستر والله اني مقهورة وكذا قلبي ينبض بسرعة خايفة منها لا رجعت احسها بتطلع حرتها فيني والله هي شكلها يخوف بعد
مع انه هي خلعته والشيخ قاله لازم مهر جديد وعقد جديد وهو يقول تبشر
مدري بس الله يستر واقول الله يمشي لي الخير بس كل اليوم قاعدة ارجف واتخيلها راجعة والله ماعندي اي نية اتجاهها بس مدري خايفة
اذكروني بدعواتكم الله يهدي قلبي