سويت حركه مو حلوه الفجر 😞

اتوقع اكيد لازم الإنسان يراعي ان اذا هو مستانس وسهران
في غيره عنده عمل او تعبان
لكن كأس قزاز ترى خطييييير
لو جات في عين احد بعيد الشر ترى بحق والعين بالعين
اتوقع شكلك ارعبتيهم قالوا هذا جني وهربوا ههههههه

قليل فيه ناس تقدر الجيران آنا اللي جنبي دائما صراخ هي وعيالها صراخها مبالغ فيه يعني مو معقول وضعهم ومرات اصوات قلة حيا ماخذه رااااااحتها على الاخر ومرات اغاني او السوني حقهم بصوت عالي ما يقولوا ان فيه ناس جنبنا نايمين حتى سواليف ما نسولف زين ..
والله ان عندي حوش لما يجوني ضيوف معاهم اطفال احرص كثير انهم ما يلعبوا بصوت عالي مجرد ما احس بإصواتهم ارتفعت على طول اقولهم يدخلوا
ومره من المرات الحرمه صراحه ماخذه راحتها بشي استحي اقوله يعني كأنها جنبك رحنا الغرفه الثانيه وبرضو الصوت واصل وشغلنا المكيف كمانخييير والله مسكت اثقل علبه عندي وادقها بقوه على جدرانهم لعلهم يستحووون
انا المكنسه الكهربا ما اشغلها بعد ١١بالليل تقدير للجيران وهم ولا على بالهم ليتها جايه على الاطفال بس
صراحه المفروض فيه رقم خاص لأذى الجيران بالذات اذا الواحد بلغهم مره ومرتين وثلاثه

كيف صوتهم ياصلك .. اذا كنتي ساكنه فوقهم اطلعي من البيت وغيريه واذا ساكنه جنبهم حد الصوت الحوش
وبعدين كيف ترمين اطفال بقزاز وحتى لو غلطانين طريقتك مرره غلط .

الوالد قد سواها بالجيران بس مو قزازه وحده بل عدة قزازات كانوا مأذينا عيالهم 😂 و كبروا الحين ومعاد لهم صوت

اعرف ان اسلوبك في الكلام هنا مرات يكون دفش لكن ما توقعت انه حتى تصرفاتك مع الناس اللي حواليك دفشه لهذي الدرجه
وش دعوى ترمين عليهم كاس زجاج بس لانهم ازعجوك !
ما خفتي يفلق راس احد من بزرانهم او تنشق رجل واحد منهم
اذا جاء يوم وانرد لك نفس الفعل لا تستغربين ولا تتذمرين وتشتكين لانه مجرد دين ورجع لك
عندنا جيران ويجي منهم ازعاج احياناً لكن ولا مره فكرنا نشتكي ولا حتى نهاوش
خاصة يوم جاء الحظر كنا يومياً نسمع ازعاج بزران جيراننا ولعبهم للصباح
وهذي ثاني سنه واحد من البيوت اللي حوالينا بالشتاء يكون صوت دينمو المويه حقهم عالي ويشتغل اغلب النهار والليل كأنه غساله مزعج ومرات ما اقدر انام واذا غفيت افز من صوته اول ما يشتغل ومع ذلك هم ما حسوا على دمهم ولا احنا تجرأنا نكلمهم ونشتكي عليهم ومرات اذا تنرفزت اسد اذاني بالبطانيه عشان يخف الصوت
الحين حاطه السماعات في اذني عشان ما اسمع صوت دينموهم المزعج