تعبت من التنميل

الله يرفع قدرك دنيا واخره ويجزاك خيير ♥️

الله يصلحك مو كل شي تربطينه بالجلطه لو انها جلطه كان من ساعتها لما تنمل وجهك ظهرت عليك الله يبعدها عن الجميع
وحسب كلامك تقولين لما تاخذين فيتامين ب 12 تتحسنين يعني جسمك لازال محتاجه
وحسب ما قرأت ان معدل 200 إلى 300 يعتبر ضمن المستويات المنخفضه والافضل انه يوصل 500
وترى التنميل مو بس من نقص ب 12 يمكن نقص احد فيتامينات ب الاخرى تسبب تنميل مثل ب 1 و ب 3 و ب 6 و ب 9
وممكن فيتامين د و هـ
واذا انتي اكلك يميل للنباتي لازم تهتمين بالمكملات لان ب 12 غير موجود الا بالاكل الحيواني
واذا عندك مشكلة بمعدتك مثل الحموضه او تستخدمين ادوية حموضه ترى تسبب مشكله في امتصاص الفيتامين اثناء الهضم الافضل بعد اكل وجبة فيها لحوم انك تاخذين خل تفاح ملعقه صغيره وتخففينها بنص كوب مويه وتشربينها بعد الوجبه عشان تساعدين المعدة تهضم اللحوم .
الافضل انك تهتمين بأكل اللحوم والاسماك والبيض ومثل ماقلت خل التفاح مخفف بعد الغداء بس مؤقتاً 10 أيام عشان تساعدين جسمك على امتصاص الفيتامين ورفع معدله لانك ماراح تستمرين طول عمرك على مكملات وحبوب

في مثل حالتك غالباً المشكله انه في ضغط على عصب بجسمك
ضبطي وضعية نومك واختاري مخدة ارتفاعها مناسب
او اذا رحتي المستشفى تعالجين قولي لهم ان التنميل يجي اذا نمتي على جنبك عشان يعرفون سبب المشكله لان الفيتامينات في هذي الحاله ماراح تفيد بشي ولا لها دخل

ياعمري الله يجزاك الجنة على ردك الوافي والمطمن الله يريح بالك
انا فعلا عندي حموضة وارتجاع والتهاب بالمعده واخذت ادوية الحموضة لمدة سنة بس بشكل متقطع ممكن تتكون اثرت في الامتصاص بس انا استغربت انه طول معي التنميل عادةً ٣ ايام ومع الفيتامين ب يبدا يختفي الحين مستمر وامس اقرأانه من اعراض التصلب اللويحي 😔
الله يجزاك خير على مرورك وردك ❤️

سلامتك ما تشوفين شر
انصحك تتفرجين على فيديوهات الدكتور كريم علي باليوتيوب اسم قناته فكر تاني
ابحثي عن مقاطع الارتجاع والحموضه واسمعيها كامله راح تستفيدين كثير وتستغنين عن الادويه بإذن الله وبتعرفين حتى تتعاملين مع الحموضه وتحلينها بتصحيح التغذيه
وترى سنه كامله من ادوية الحموضه مو شوي اكيد الفيتامينات والمعادن عندك منخفضه بسبب مشكلة المعدة
ومو شرط يكون تصلب هذي مشكلة اللي يقرأ من قوقل معلومات عامه تكون الاعراض متشابهه مع امراض كثير ويدخل الخوف بالنفس على الفاضي وربما يكون العلاج سهل لكن الانشغال بالبحث عن الاعراض يضيع عليك الفايده
الله يوفقك ويسهل امرك ويبشرك بصحتك وعافيتك يارب