التجمع الـخامس عشــ15ــر مواليد مايــ5ـو & يونيــ6ـو 2022 🤍

هذي الصوره منزلتها بحسابها

حيّ الله الكروشات 😍😍
اخبار الجميع ان شاء الله بخير


طمنونا عنكم بنات مع الاجازه 🤍


غيوم قدامك العافيه يارب 🤍
ورشيقه الف مبروك التميز 😍
<< راحت على اللي يفرفرون بالاقسام 😂😂


امس لهيت عنكم كان عندي موعد وبعدها استقبال لوحده من قرايبي
بصلي واتقهوى وارجع احيلكم عن الاكشن اللي صار بموعدي امس 🤭

الحمد لله بخيرات الله
😅😅ليتهم يقدرون الحماس والشوق لجني البيبي ومتعة التسوق

هلا وغلا
الحمد لله

في انتظار الاكشن

الاكشن اللي صار لي امس بالموعد 👇🏻🤭

امس كان عندي موعد مراجعه
والحمدلله اموري تمام قال الدكتور بس بنتطمن على النبض
المهم كان يشوف ويتطمن وسمعنا النبض الحمدلله
قلت له دكتور بالله بس شف جنس النونو هو ولد
قام يناظر ويتأمل وقال من قال لك انه ولد
انا عيوني طلعت من مكانها 😳😳😳
قلت عندكم هنا اللي سوت لي الاشعه قالت ولد
وسويتها قبل في مستوصف وأكدت لي الدكتوره انه ولد

قام يهز كتوفه ويزم شفايفه ويقول ان شاء الله يكون ولد



انا هنا انهرت عليه كيف وشلون
الحين انت وش تشوف ناظر تأكد منا منا 🥺🥺

<< وانا تطري على بالي تجهيزاتي وفرحة اهلي لما سويت حفلة جنس البيبي 🥺😭



قام لف الشاشه علي وقال ناظري
قلت وش اناظر انا ماعرف ولا افهم بالسونارات
<< ابد يطري على بالي سوناراتكم والبرقر والخطوط والساندوتشات اللي تقولونها 😂😂😂🤭



قال طيب انتي ناظري بس
ويوم ناظرت عقب ما دمي نشف

الا واشوف وليدي وش زينه يتقلب
الحمدلله العضو كان واضح جدا لايدعو للشك ابد
صرخت قلت ولد 😍😍
قال انتي وش تشوفين
من الحماس بغيت اقول اسمه صريح 🤭🤭🤭



الله يغربل ابليسه دكتوري يحب المزح هو ووجهه 😂😂😂

بس والله انه خرش قلبي 🥺🤭