أمس رحت للطبيب..أدعو إن الله يشفيني لأني فعلاً تعبااانه

السلام عليكم حبيباتي
أمس الفجر جاني ألم قوي في أذني اليسرى لدرجة إني ما قدرت أنام ..رحت للطبيب وقالي إلتهاب حاد وعطاني مضاد وقطره للأذن بديت فيهم..المشكله عندي وقت النوم من أنسدح يجي الألم ووقت ما أكون صاحيه ما أحس بالألم بقوه
وهاذي الشي وايد متعبني لأني أساساً بدون الإلتهاب مرهقه وتعبانه لأني أبتليت بالأرق الشديد بسبب حسد قوي جاني من أكثر من عشر سنوات..دايماً يكووون شكلي تعبان على الآخر لدرجة إن الكل ملاحظ هالشي وناس واجد يطلعون فيني كلام إن هالبنت وضعها مو طبيعي..وبديت أرقي نفسي وأروح يرقوني بس ما زلت على هالحال..اللهم لا إعتراض
أذكر موقف صار معاي وألم قلبي من ٣ سنوات تقريبًا جات حرمه تشوفني عشان تبغى تخطبني وقالت لأمي بعد ما طلعت من المجلس ليش بنتج مبين عليها التعب
وصلت لدرجة إني من أسمع عن أي أحد مات خصوصأ إذا كان شهيد أو شهيده..أقول يا بختهم فازوا الفوز العظيم وإرتاحوا من هاذي الدنيا وشقاها..وأدعي إن الله يرزقني ما رزقهم من حسن الخاتمه
دعواتكم الطيبه إن الله يشفيني لأني جد تعبانه 💔
مالي غيركم أفضفض له وأطلب منه يدعي لي
مو كل حاجه أقدر أقولها لأهلي أو حتى صديقاتي
وجزاكم الله كل خير في الدنيا والآخره