التجمع ٢٠٧ للمقبلات على الحقن المجهري وأطفال الأنابيب 🌺

يارب رحمتك لا حول ولا قوة الا بالله
يارب يبشرنا فيك ويثبت اجنتك انت حللتي وما مسكتي نفسك كثير صح ؟

السلام عليكم يابنات
انا اليوم رحت الموعد بعد التنشيط سبعة ايام وتثبيت البويضه ثلاث ايام البرنامج القصير
المفررض اليوم تحدد لي السحب قالت لي البويضات عندك وحده مقاس ١٥ ووحده ١٤ والباقي ١٠
قالت كملي التنشيط والثبيت البويضه ويوم الثلاثاء حدد موعد ثاني
انا معاي هرمون الحليب واخذ حبوب
بس من صار لها نفسي الله يرزقنا جميعاً الحمل التام السليم

الا فيه من أكثر من عشر سنوات فاتحينه بس تخيلي مخفينه لدرجة مافيه لوحات تدل على وجوده من سنتين شايلينها والقسم داخل قسم أمراض النساء والولادة الخطر زينب أبو طالب كانت تشتغل فيه وطلعت والآن الموجودين طارق بغدادي والجوهرة المطوع ولولوة النعيم وراقية الجاسر و عاصم الوهيبي يمكن فيه غيرهم أطباء ما يحضرني أسماءهم كل اللي قابلتهم في العيادة يصير عندهم ملفات تبع الجامعي انا اللي خلاني اروح له عشان عندي ملف ومتعودة على المستشفى من صغري شفت كم وحده الدكتور طارق الله يجزاه خير محولهم يعالجهم مجاني وحده جايته في ذرية عندها كيس في الرحم وقال مكلف عليك وخلاها تراجع وتسوي عمليتها في الجامعي وبيسوي لها أنابيب والثانية جته مسائي نفس المستشفى فيه مركز اعمال مسائي بفلوس بس دفعت كشفية دخول عليه وباقي الاشياء التحاليل والعملية خلاها مجاني لها فما ادري اذا يقبلون ناس من برى ما عندهم ملفات في المستشفى لان الباقين اللي قابلتهم جايين تبع شغل زوجهم لهم احقية العلاج في المدينة الطبية الجامعية .
بصراحة اشوف القسم نص ونص مافيه ذاك التنظيم والاهتمام والمكان غير مهيأ حتى عملية السحب الله يعين بس تخدير موضعي وتكونين صاحية تشوفين العملية يارب تسهلها أكثر شي شايلة همه مره
لاحظت العسكري ماشاء الله أفضل واسرع وتنظيم واهتمام أكثر.

مساء الخير على الغاليين.. وحشتوني.. وطبعا ما اقدر استغني عنكم.. حتى لو ما اكتب شي اتابع اخباركم يوميا.. نضحك ونبكي مع بعض... نطبطب على بعض ونساند بعض.. الله يجزيكم كل خير ويرزقكم افضل مما تتمنوه يارب
اخر اخباري ناقشت امس مع دكتورتي اللي صار معاي في محاولتي الاخيره والحمل الكيميائي اللي صار لي والحمدلله على كل حال اسأل الله العوض الأجمل.. خبرتها اني قررت ابدأ من جديد الدوره القادمة ان شاء الله مع انها قالت لي لو اخذ بريك شهرين أو ثلاثه عشان نفسيتي قلت لها انا احتاج ابدأ بأسرع وقت هذا الشي اللي بيريحني.. لان الانتظار والوقت والتفكير قاتل بالنسبه لي..
عطتني فيتامينات لمدة شهر انا وزوجي بحط لكم صورتها اذا عندكم فكره عنها
وحابه اسألكم هل واحده منكم جربت تنشط شهرين ورا بعض عشان تجمع أجنه اكثر.. لان انا للأسف بالرغم ان تطلع لي بويضات كثير بسبب التكيس بس اغلبها ما تكون كويسه واخر شي ما يظل للأخير غير جنين او ثلاثه اكثر شي.. حمدلله على كل حال

اسأل الله العظيم رب العرش العظيم ان يكتب لك ما فيه الخير.. الاجنه يوم ثالث او خامس؟