افضل عطورات للعروسه.

مرحبا
ابي افضل عطورات للعروسه سواء من محلات التجميل او محلات العنايه بالجسم وشنو يعني خاص ومتى استخدمه وايش فرقه عن الباقي🌝🤷🏼‍♀️تناحه لا حد يستغرب!!! يعني معقوله الليل لي ريحه والصبح ريحة والطلعات ريحه احس حوسه
وليله الزواج بالزفه اختار عطر مختلف عن حق الفندق والا عادي
لان من كلام الناس حولي وبالمواقع فيهم الي يقول لاتكثري عطور تخترب و فيهم من يقول خلي عطر شهر العسل واحد 🥵واللي يقول اربع وانا اقول اعوذ بالله من الشيطان الرجيم
وكم مفروض اخذ والمجموعات من وين اجيب من سيفورا او من وجوه ! وحق بودي شوب وباث يصلح العرايس لان هذي عطوراتي اليوميه 😁
وبالنسبه للعطور حق الملابس اذا استخدمت شاور جل يريحه ومرطب يزيحه ثانيه او زبده جسم ماراح تختبص الريحه دلوني لان تهت صراحه

12 تعليق 4,493 مشاهدة

شاركي في النقاش

سجلي الدخول لإضافة تعليق.

التعليقات

12
  1. @never_broken

    أفخم العطور للعروس من وجهة نظري جادور كرستيان ديور و شانيل 5 ,,, جادور في منه كذا تركيز و كذا ريحة بس افخم و أروع واحد يجيك لون العطر ذهبي غامق أقصد العطر نفسه لان الزجاجة شفافة يبين داخلها العطر أتمنى فهتي علي ,, هذا خذيه و انتي مغمضة راااائع و معه عطر للشعر و كريم جسم بس مو ضروري لو ميزانيتك ما تسمح بس خذي العطر ,,,,,,,,, الشور جل احسن لو تستخدمي معه نفس المجموعة ,,, عطور بودي شوب و غيره حلوة بعد بس على الاقل خذي لك عطرين ماركة و الف مبروك مقدما
  2. @never_broken

    و اهم شي دهن العود لا تنسينه ,,, خذي لك نوع حلو و غالي لو ربع تولة مو مشكلة بس خذي نوعيه زينه
  3. @gmalk_shrny

    يعني تكون فخمه ومميزه
    العطور اللي تشمينها على الكل هي مب عروس
    بس الحين الكل يستخدم اي عطر حتى العرايس
    كلن وذوقه اللي تحب عود . نظافه . ورد. حلويات
    بس يفضل يكون يوم العرس وشهر العسل مميز
    من ماركه
    اما الباقي اي مكان ممكن في عرايس ياخذون من الماجد والقرشي والدخيل
    ترا فخمات وحلوات وثابت
  4. صاحبة الموضوع
    Never broken
    أفخم العطور للعروس من وجهة نظري جادور كرستيان ديور و شانيل 5 ,,, جادور في منه كذا تركيز و كذا ريحة بس افخم و أروع واحد يجيك لون العطر ذهبي غامق أقصد العطر نفسه لان الزجاجة شفافة يبين داخلها العطر أتمنى فهتي علي ,, هذا خذيه و انتي مغمضة را…
    الله يبارك فيك ياقلبي 💖 يعني حق اول ليله اخذ مجموعه بودي شوب والا ماركة ابي شي مميز وحلو وبالنسبه لعطورات نعومي وفكتوريا ايش رايك فيها مناسبه

تابعي تجارب أخرى من هذا القسم.