موقف يفشل بعزيمه

يا صباح الخير عليك يا قلبنا الحلوه وعلى عيون الحوائيات الجميلات ❤️ ، اغرب شيء للان تقريباً لمن رحت زواره في بيت عم زوجي وكان فيه ناس لأول مره اقابلهم وكنت اسمع عن وحده ان مزوحها مع البنات تفصخهم ورقله فيها وشه 🤕 وماكنت ماخذه كلامهم على محمل الجد و بعد فتره كنت اسولف معاها تمام ووقفت الا والمره ماسكه ملابسي بتسحبهم وانا لا ارادياً ضربت وجهها برجلي ونزف انفها وصارت سالفه وتدخلوا الرجاجيل والحريم واهل رجلي فزعوا معي لاني ماخذه من برا العايله ومن بعد هالموقف تأدبت ما تفصخ الحريم مره ثانيه 🌝

اقوى موقف محرج ممكن يمر عليكم

مره خالتي زارتها ( حماتهاااا ) ام زوجها
وضيفتها واكرمتها وكل شي
ولما جات تخرج مشيت معاها للباب تودعها
قالت لها حماتها يلا مع السلامه واكرمك الله
ردت خالتي .. الله يحفظك .. وتبغى تقول لها زاردتنا البركه قالت لها ( زارتنا البقره ) ههههههه
المشكله انها تحب حماتها وحماتها تحبها 🤣🤣🤣🤣

ههههههههههه

بعزايم قليل لكن الاكثر بزواجات
مره كنت حاضره زواج وقامت وحده ترقص ووراها ولدها البزر تسلط عليها يصيح وهي مكمله ماهمها ولدها عصب وقام يلكمها من وراء على نفس ايقاع الاغنيه ياااربي احراااج
ومره بعد كنت بزواج ووحده ترقص مرره متحمسه والاغنيه سريعه ولابسه فستان فتحه الصدر كبيره ومن شده ماهي ماشيه مع الايقاع طلع صدرها من مكانه تفشلت المسكينه وقفت رقص
وياكثر المواقف

ويسعدك يارب

والله الحمدلله بخير ❤️❤️