تعرضت لظلم كبير وتعب نفسياً بسببه

السلام عليكم
السالفه باختصار انا تعرضت لظلم واتهام باطل


اختي الكبيره حامل ورافضه ان احد يشوفها وهي حامل
وكانت تتخبى وتبعد عن الناس وكذا
طق جرس البيت وجاء اخوي الكبير وتعرفون الرجال يتكلمون عادي بينهم ويقول فلانه حامل فلانه تزوجت يفضحون يعني
ف انا خفت انه يشوفها رحت دخلت اركض لها ولامي بعلمها لا يشوفها
حصلتها تصلي وامي بالغرفه جالسه
قلت لها وهي تصلي ترا اخوي جاء وقلت لامي اخوي جاء
ما دريت انه يلحقني ويمشي وراي فشافها تصلي ف صرفته امي بمجلس الرجال لا يشوفها
بعدها راح ولما راح قلت لامي المهم انه ما شاف اختي الحامل قالت امي كذا بهدوء لا ما شافها وعادي واذا شافها شصار ما يعرف شي كانت عادي امي معي
رحت لغرفتي فجاءه اسمع هواش قوي بغرفة امي نزلت
لقيت امي تبكي واختي زعلانه قلت اشفيه ؟
قالت امي انتي ما تبين لاختك الخير ان فضحتيها عند اخوك الي يعلم وتنفضح و و
قلت انا قلت لكن انه وراي وانتي كنتي تصلين شذنبي انا بسالفه
يوم شافت امي انا هاديه ومو معصبه قامت تزيد
انتي فيك وفيك انتي ظالمه انتي تكرهين خواتك انتي حسوده
انتي ما تحبينها كان اخذ القران واحلف انه مو كذا نتيتي
وقلت اذا هي صادقه بكلامها تحلف حتي هي وتقول اني السبب
تحسبونها حلفت ولا شي لا طلعت مثل الشعره من العجين
وهربت ورفضت تحلف وكنت اذا دخلت غرفه وهي فيها تنحاش مني
بعد كل هذا تحسبونها صدقتني يوم حلفت او قالت انا ظلمتها
لا يوم صحيت من بكرا الا مبسوطه انها سببت لي مشكله
ومبسوطه اني تضايقت
واكتشفت انها مسويه كل هذا الاكشن بس عشان تطلعني بمنظر تافه عند امي وتفرق بيني وبين امي
وان ما همها احد عرف بحملها او لا
وحتي اخوي يوم شافها بس مر من عندها والجلال الصلاه مغطي جسمها مو واضح مر حق دقيقه بس
ف حزت بخاطري وكرهتها قلت الي ما يخاف من الله ما راح يخاف مني
وتدورن انها ظلمتني بيوم فضيل بليلة جمعه
وتوها راحت لبيت زوجها مبسوطه من الي صار كانه الظلم وذنبه شي عادي ولا كانها سوت شي
اشوفها تمشي ببيت تحسب نفسها موسى وهي فرعون
تصدقون عاد كانت قبل راعيه دين وصلاه
الحين انقلب حالها مره تظلم ومره تكذذب ومره تتهم
بس عشان مصلحتها ما اقول الا حسبي الله ونعم الوكيل
شوركم شسوي في احد ما يخاف ربه