بنات الله ياخذني جبت العيد
انا مشكلتي اتوتر واجيب العيد
اليوم كلمني شخص اتصال بخصوص وظيفه
مقدمه عليها سالني انتي اشتغلتي قبل؟
قلت ايه بس شهرين وتركت
جلس يحجر ويسال ليش؟
تركتي
قلت مو مناسبه لي ومارتحت فيها
والعياده كانت تبع تربيه خاصه ونتعب مع الاطفال
قالي
اوكي
وين ساكنه؟
قلت بالحي الفلاني<الي كنت ساكنه بسكن
بوظيفتي الاولى فلو قبلني كنت ناويه ارجع
لنفس المكان لاني مرتاحه فيه وهو سكن موظفات
قال بعيده عنا لو قريبه نقدر نوفر لك مواصلات
قلت عادي اقدر اقرب اغير السكن
قال وشلون تغيرين السكن
تنقلين عن بيتكم؟
قلت
انا ساكنه بسكن موظفات
قال كيف انتي مو من الرياض
قلت لا
انا ساكنه
بسكن موظفات وعندي شقة اخوي لكن
بعيده عن دوامي الاول
فصعبه كنت اسكن معاه واستاجرت سكن
قال كيف ساكنه
بسكن موظفات وانني مو موظفه
قلت دافعه عقد معهم ولسى ماخلص الايجار
قال تمام
وعطاني مقابله شخصيه بعد يومين
بنات كررررررررهت واكره نفسي اذا توترت
جبت العيد وكذبت وكل شي صار بالمكالمه
وهو جالس يحجر لي ماقلت له اني انا الحين
بالمحافظه علرفه ماراح يقبلني
قلت اني بالسكن
وهو انصدم كيف بالسكن
وانتي مو موظفه
وليش انتي بالسكن اني مو اصلك بالرياض
افففففف ندمت ندمت
لما خلصت المكالمه حسيت اني منومه
جلست اخبط واتكلم كلام واطلع كل اللي عندي
وهو ذكي على طول يسال ويحجر يعني مو بس يسال
يحجر يعني يقول كيف وشلون
كان ودي اكذب واقول ماتوظقت ابد
بس خفت يدري اني متوظفه شهرين
وبيثول ليش ماقلتي فانا قلت اختصر
واقول اني متوظفه شهرين وجلس هو
يدخل بالتفاصيل انه ليش تركتي
ووين ساكنه وانتي مو اصلك هنا وكلام كثير
شاركي في النقاش
سجلي الدخول لإضافة تعليق.
التعليقات
18- نفس الكلام بيعده عليه بالمقابله وترا ليشوف كلام هل مطابق نفس المكالمة أو لا
عندهم لغة الجسد ويعرفوا الشخص صادق أو لا
والله يكتب لك اللي فيه خير لك
خاطرة:👇مالها دخل بالموضوع
والله يتعبني موضوع الاختلاط بالوظائف اغلب الوظائف الحين اختلاط الله يعين بنات هذا الوقت بس مادري شقول - انتبهي تدعي على نفسك عشان شخص مايستاهل ومافيه احد يستاهل انك تدعي على نفسك عشانه
- الله يرزقك بالوظيفه ألي تسر خاطرك
قوت اخت نوت نفس الكلام بيعده عليه بالمقابله وترا ليشوف كلام هل مطابق نفس المكالمة أو لا عندهم لغة الجسد ويعرفوا الشخص صادق أو لا والله يكتب لك اللي فيه خير لك خاطرة:👇مالها دخل بالموضوع والله يتعبني موضوع الاختلاط بالوظائف اغلب الوظائف الحين اخت…
والله العظيم اني بحثت وتعبت ماحصلت
وظيفه نسائيه بحت
ولا انا مارتاح واتوتر ولا فيني جراءه مع الرجال
عشان كذا اشيل هم المقابله الشخصيه
والدوام 😭😭لكن وش اسوي مافي اي
شي نسائي الحين كل شي اختلاطامي حياتي' والله العظيم اني بحثت وتعبت ماحصلت وظيفه نسائيه بحت ولا انا مارتاح واتوتر ولا فيني جراءه مع الرجال عشان كذا اشيل هم المقابله الشخصيه والدوام 😭😭لكن وش اسوي مافي اي شي نسائي الحين كل شي اختلاط
الله يرزقك حبيبتي🌷 لا تبكين صحتك أهم شي
مواضيع مشابهة
تابعي تجارب أخرى من هذا القسم.