حبيبتي ماشا ربي يعوضك ويعطيك اللي يرضيك.. اسألي الله الخيره في كل شي..
دخلت والله بس عشانك كتبت بالتجمع اللي قبل وماانرسل!
صح محد يلومك بالشي اللي حاسته واللي قلتيه وصعععععب جدااا موقفك وشعورك بالخديعة والاستغفال بس حابه اقولك شي عشان تتجاوزي كل شي لاااازم تصارحي زوجك لازم لازم تتكلموا وتسمعي منه لازم تعرفي الاسباب اللي خلته يسوي كذا وليش ماصارحك لانو جواتك انتي احساس بالخديعة ولسا ماتجاوزتيه وابسط مثال لما صارك موقف سيئ رجعتي تلوميه وتطلعي مشاعرك المدفونة وهذا غلط..
لازم تواجهي نفسك ومشاعرك لازم تلقين لكل سؤال جواب داخلك .. اسمعي من زوجك تكلموا تناقشوا لازم تلاقي الشي اللي يرضيك حتى لو اخذ منك جهد ووقت بس هذا عشان نفسك وصحتك النفسية..
لانو مو شي صحي انك تعيدي التجربة وتكملي وانتي لسا بداخلك هالمشاعر..
لازم تفهمي مشاعرك تجاهه وايش شايفة فيه وايش حاسه معاه وهذا كلوووو هوه اللي خلاك تفكري تجيبي طفل منه.. ترا رغبة وجود طفل لازم تكون مشتركة مو انتي فقط .. او لنفسك ترا الطفل اللي بيجي انتي امه وزوجك ابوه يعني نصه الثاني من زوجك..
ممكن تحسي كلامي اش لزمته الان وليه اقول كذا بس كلامك استوقفني بحكم اني اخصائية نفسية وحسيت واجبي اقولك كذا عشان المشاعر هذي راح يجي لحظة ثانية وتطلع فيها لانها موجودة بداخلك حتى لو تجاوزتي الموقف الان ورجع كل شي طبيعي اعطي نفسك حقها وواجهي مشاعرك..
انا والله ماعرف وضعك وتفاصيله الا اللي قريته بس حسيت فيك ودعيت لك من قللللبي والبنات بيقولوا عمرك صغير وعندك عينة مجمدة هذا بحد ذاته نعمه وفضل من الله..
التجمع ال ٢٠٩ للحقن المجهري واطفال الانابيب 🌺
متابعة النقاش، صفحة 16