تجارب الحقن المجهري و اطفال الانابيب

انا مثلك سويت تلقيح صناعي وما نجح وهالشهر بسوي حقن مجهري ان شاء الله ، الله يكتب لنا الخير ويرزقنا الذرية الصالحة

خليك متوكله على الله سبحانه وثقي ان العمليه سبب ممكن تنجح ووارد انها تفشل ومش ضروري يكون في سبب للفشل
بالنسبه للعمليه سهله وغير مؤلمه اللهم بعد السحب يكون في الم خفيف ومحتمل
الاهم النفسيه واستخيري دائما مع كل خطوه وربي يوفقك
ابدأي برقية نفسك بسورة البقره مثلا او اتبعي اي برنامج يريحك
ابدأي بحمض الفوليك وفيتامين e ومارسي رياضة المشي يوميا حتى تخففي التوتر وتنشطي الدوره الدمويه وحاولي تبدين بنظام تغذيه صحي ومفيد من بدري
ياليت زوجك يروح دكتور ذكوره قبل العمليه عشان يشيك لو في التهابات او صديد ويصرف له فيتامينات تحسن من الجوده عنده عشان ان شاء الله ترفعين نسبة النجاح
بالنسبه لتجربتي رحت وسويتها وانا مستعجله وغير مستعده بالعكس كنت متحطمه ومهمله نفسي وما استخدمت اي فيتامينات او اي شي
والدكتوره مانصحتنا نسوي اي اجراء او نأخذ اي ادويه
بالعكس كانوا يصورون لنا ان الحقن المجهري الحل السحري لجميع المشاكل الموجوده والحمدلله على كل حال فشلت
وافكر لو اعيدها لازم اشتغل على نفسي قبل اروح
شي مهم ايضا
انه لاتشغلين نفسك بتجارب الغير لانها ممكن تحطمك وتوترك اكثر
توكلي على الله والله يجعل التوفيق حليفك دائما

الله ييسرها لي ولك ولكل مقبله على العملية ويجعل نهاية تعبنا فرح يارب

صح كلامك توترت لما شفت بعض التجارب الي تجمع فيها السوايل والي دخلت العنايه لكن لازم الاستخاره قبل كل شي و ربي يقدم مافيه الخير ..

شاكرة ردك الله يرزقك بكل ماتتمنين

انا زيك عمري ما سويتها وافكر اسويها بس شايله هم التنشيط ومضاعفاته وكمان هل السحب راح يكون ب بنج او بدون