كيف تحطون مناكير طول اليوم

اكيد انا وانتي نختلف وهذا شي طبيعي بالبشر
بس اتمنى نختلف بكل شي (الا الدين)

انا مااتهمك اقول بشكل عام ان هذولا هدفهم يضلون الناس
ولا طبعاً انا مش رب اكيد انا انسانه اغلط واستغفر واجاهد لين نرجع لرب العالمين
بخصوص البنات اللي يتوضون بالمناكير اتمني مايكونو من الناس اللي قال عنهم ربي
(قل هل ننبئكم بالأخسرين أعمالاً الذين ضل سعيهم في الحياة الدنيا وهم يحسبون أنهم يحسنون صنعا )
اتمنى انهم مايتبعون اي شخص يفتي لان الصلاة عمود الدين والوضوء الصح اهم شي بصلاة الله
والله حسيب كل من فتن او ضل مسلم ومسلمه
وبخصوص انك ماتحكمي على احد ف هذا جميل
الله يسعدك بس الدين لازم ندافع عنه ونردع اي أحد يريد يخبص ب أحكام الدين
اما بخصوص الشيوخ وتحريم الصور واشيا كثير صحيح ومااقلك ماتصور لا اتصور بس اعرف انه حرام وبدون مأسال الأسباب وليش والله يغفر لنا
بس هذا مو زي الوضوء والصلاه
وواهم شي اذا احد سوا غلط مايحلله لانه يسوي مو بس ذنب الا ذنبين
واكيد ماانا مجبوره اخذ بكلامك وانتي بعد
بس الدين امرنا بنهي عن المنكر
وكل شخص هو حر بحياته محد عارف مين عند ربي أحسن بس احنا نسوي بما أمرنا الله والله يرضنا عني وعنك وعن جميع المسلمات
انا اتأسف لو حسيتي اتهجمت
انا استغربت انك تعتمدون على مشايخ اعوذ بالله شيطان يضلهم ويفتون كل شوي بتحليل شي
اسال الله الثبات يارب

سبحان الله ياذا التراشق بالكلام والإتهامات المبطنه وش داعيها طيب!!!!
الأئمه الأربعه وأعلام الأمه والصحابه إختلفوا في كثييير من الأحكام إختلاف شديييد وكل منهم إستند لأدله ولمفاهيم مقنعه ومع ذلك ما اتهموا بعض بالضلال ولا بالهوى وإتباع الرخص.


(وعلى الأمة أن تتقبل الخلاف بين أهل العلم في مسائل الاجتهاد ولا يكون مصدرا لفتنة أو تعصب فكل يؤخذ من قوله ويترك إلا رسول الله صلى الله عليه وسلم. ويجب على العالم إذا لم يتبين له قول في المسألة أن يتوقف. ولا يجوز له القطع إلا بيقين. ومن أراد اتباع أحد الأئمة في قول فله ذلك إن كان مجتهدا فيما توصل إليه اجتهاده مع اعتقاده أنه لا عصامة لأحد من الخلق بعد رسول الله صلى الله عليه وسلم فقط كان مالك رحمه الله يقول: (إنما أنا بشر أصيب وأخطئ فاعرضوا قولي على الكتاب والسنة). ويقول الإمام الشافعي - رحمه الله - إذا صح الحديث فاضربوا بقولي عرض الحائط ومن استبانت له ستة عن رسول الله صلى الله عليه وسلم فليس له أن يدعها لقول أحد من الناس.)

المسائل المختلف فيها كثيره لأن مافيه آيه صريحه ولا حديث واضح محدد للتحريم أو التحليل ومن هنا يأتي الإختلاف والإجتهاد وعلينا نحن إتباع الثقه من المشائخ وإتباع أعلام الفقه الموثوق بهم .


أنا أعرف من الصغر إن المناكير تمنع وصول الماء وبالتالي لاتصح الصلاه بها ومستحيل أحطها إلا لو متأكده إني وقت الصلاه مابيفوتني.. ووالله إن تمر سنين ماحطيتها لأني أكرهها أصلا..لكن فيه ناس تجهل الحكم و فيه ناس تقول حلال لو قابلناهم نوضح عقيدتنا ومنهجنا إقتنع أهلا وسهلا ما إقتنع كيفه.. ما أدخل بنيته وهواه وعقيدته.. يمكن وحده حاطه مناكير أقرب لله مني وأكثر مخافه وأكثر محبه لله ...محد ضااااامن على الله... فانتبهوا.

انا اشوف ان رأيهم يحترم حتى وان كنت لا اطبقه
هذي قناعاتهم وايمانهم ولهم ادلتهم ونصوصهم اللي استندوا عليها
طالما ما دعوا لكراهيه ولا فتنه ولا ظلم ولا اعتدوا على اي مخلوق ربهم اعلم بهم واعلم بنا
اما ليش كتبت الرد اقول لك مثل ماقلت لغيرك لو قرأتي اخر جزئيه في الكلام لوجدتي الاجابه
ردي ماهو فقع طلع من تحت الارض فجأه ، كلامي كان بعد تشعب وتفرع وتحوير وكلام ماله داعي في تعليقات الموضوع وانا لي كامل الحريه اكتب اللي اشوفه مناسب محد يملي علي وش اكتب وما اكتب طالما ملتزمه بحدودي
اما نقاشك عن بعض الادله المطروحه هذي ناقشيها مع الشخص المذكور اسمه ان حبيتي وافهمي منه فكرته ووجهة نظره لانه كتب كلام كثير واستدل بعدة امور انا ماعندي شي اضيفه

سلام

انقلب الموضوع لتصفية حسابات 😔

-
من عمـر الدنيا نعرف حكم الوضوء بالمناكير مايجوز..
اصلاً عيب وصلنا لهالعمر وللحين نتناقش بقاعدة ثابتة مثل كذا..