اصلاً وش فرق فكرة حفلات الميدل بيست عن الحفلات الغنائيه الثانيه ؟
كلها زي بعضها اغاني وناس تحضر تسمع وتتفاعل وترقص وتصور
هذول جالسين على كراسي وتنظيم واعداد محدوده على القدرة الاستيعابيه للمكان
وهذوليك واقفين لا كراسي ولا تنظيم والحوسه قايمه ناس قدرت تدخل وناس ماقدرت
اللي اتضح لي ان الهدف الاول هو تحقيق ارقام عاليه لعدد الزوار والباقي ما يهم
خلاص كلنا عرفنا ان موسم الرياض حلو ومتنوع ومحتواه عالمي لكن لو وزعنا كل هذا المجهود والطاقه والميزانيه على عدة مناطق بنفس الوقت بيكون حتى التركيز على الجودة والمحتوى عالي والارباح بتكون اضعاف لان الكل بيقدر يجيها
وترى الاجانب لما يجون ما يبون حفلات واغاني لان كل هذي الاشياء عندهم وزياده هم يبون يتعرفون على ثقافة البلد وطبيعتها الجغرافيه والاثار والحاجات الغريبه اللي فيها حتى الامريكي اللي جاء الرياض يصور موسم الرياض وراح مكان العاب قال ضمن كلامه انا ماكان ضمن مخططي اني ازور اي بلد عشان العاب بس اني استمتعت يعني نفهم من كلامه ان السائح فعلياً يجي يبي يتعرف على هذا البلد الغامض بالنسبه لهم مايبي يشوف المطاعم والديجي والفنانين اللي بديرته جايين هنا
ان شاء الله الاوضاع تتطور وتتحسن بحيث تكون منطقيه ومرضيه للجميع مثل هذا الموسم احسه كان افضل من اللي قبله رغم اني ما حضرتهم بس الاصداء اللي شفتها وسمعتها توحي بكذا
ميدل بيست الرياض
متابعة النقاش، صفحة 17
