ميدل بيست الرياض

الونتر وندر لاند والبوليفارد حالياً مسكره

علشان ميدل بيست

بكرا اليوم الرابع


بعدها بيفتحونها ثانيه

أخبار قناة غنوة؟ لسا تبث؟
علمينا ونعلمك😉

علقت على البرتقالة وقفلوها 😂😂

مو بس لاهل البلد لان الهدف تنشيط السياحه
واذا متابعه لموسم الرياض بتعرفين انه في جزء منه غربي سواء فرق الاستعراضات او الممثلين او المغنيين وحقين الدي جي وحتى افتتاح موسم الرياض كان فيه مغني اجنبي ما اعرفه والمصارع اندرتيكر وبباقي الايام كذلك في اجانب مادققت فيهم و جابو سلمان خان وفرقته مسوين استعراضات والهنود والباكستانيين وهذي الجنسيات مسوين زخمه بحفله وحتى مايكل جاكسون جايبين ناس يقلدونه نفس الشعر والاستايل واللون لدرجة ان بعض الناس يقولون حتى مايكل طلعتوه من القبر هههههه
موسم الرياض متنوع فيه حاجات كثير حلوه وتفتح النفس غير الحفلات الفنيه المزدحمه
انا شخصياً تمنيت احضر مسرحية قروب البلام واجرب لعبة الكريستال ميز واشوف المكان اللي فيه عروض الدبابات والقتال فوق المباني احسهم حلوين
والموسم الاول غرت من كل اللي كانو حاضرين لعازف الكمان اندريه سويد ، ولما جابو المغني الباكستاني عاطف اسلم و راهات فاتح علي خان جد تمنيت اكون حاضره احب اغاني الهنود وافلامهم وهذول الاثنين مغنيين نص اغاني الافلام

وهذا الموسم رشا رزق كانت تجنن وتعلقت ترند عندنا واغاني سبيس تون ومشاعر الطفوله فاضت
كذلك طارق العربي طرقان وعائلته شي فظيع
وهذول الاثنين كانوا يستحقون ان يكون حفلهم بمكان كبير ومرتب مثل باقي الفنانين الكبار لان جمهورهم كبير واحس المكان مو قد مستواهم

وطبعاً مثل ماقلتي هذا الموسم فيه فنانين عرب كثير من مختلف الدول من المحيط الى الخليج حتى مغنيين المهرجانات والشعبيات جابوهم في اماكن مخصصه لهم

ختاماً موسم الرياض جميل لكن الشي اللي انزعجوا منه الناس الازدحام الشديد في بعض الاماكن
اما الشخصيات المشهوره اللي حضروا هذول لهم اماكن VIP مريحه مافيها زحمه امس جلست اشوف سناباتهم رايحين ميدل بيست شي خيالي وضخم وراقي وماحولهم زحمه لان مكانهم بعيد
اما اللي كانو في الزحمه وقريبين من الستيج هذول الجسم في الجسم احتكاك وشفت مقاطع الباصات المزدحمه اللي قالت عنها لذه من جد شي يقررررف شفت بنت متعلقه بالنافذه تبي تدخل معاهم ونص ظهرها انكشف ومؤخرتها موجهه للرجال اللي واقفين انا حسيت بالاحراج نيابة عنها
وللمصداقيه والانصاف انا اعتبر هذول حالات شاذه ومن غير المنطق اني اعمم على الجميع بالغلط او اعايرهم بسوء الخلق كلن يمثل نفسه وبالمجمل الحفل جميل والاخطاء قابله للتعديل والتصحيح

فيه أماكن ومواقف vip تذكره تكون أعلى بالسعر


وضروري نرتب للطلعه ونتم الحجز ونستمتع