ميدل بيست الرياض

المجاهره بالمعصيه محاسبين عليها ف اتقوا الله
الا يكفي ذنب المعصيه؟
وتجمعون عليه كذلك ذنب المجاهره؟
ماتفكرون بالموت
ماتخافون ربي ينزل عليهم عقابه
ياخي كلنا نحب اجواء الفله والوناسه
وكلنا نحب التماشي والخرجات
لكن مانغضب الله ونسوي شيء حرام بحجة الوناسه
وكمان نجاهر
خافوا الله ياهوه
مسوين ناس متفتحه ومتفهمه وانتم من جنبها

ينطبق عليهم قوله تعالى
مذبذبين لا الى هؤلاء ولا الى هؤلاء
اعوذ بالله منهم

والنكته اللي كتبتها عن النبي يوسف عليه السلام ايش تعليقكم عليها مواضيعها كلها تدس السم بالعسل علشان العضوات ينقسمون بين معارض ومؤيد
وتوقع الفتنه بين العضوات وهي تضحك وتتفرج
كلنا نعرف هذا الشي في مواضيعها وللاسف ان العضوات يردون على مواضيعها وياخذون ويعطون معاها

انا مستغربه انك مستغربه روحتها هناك وكأنها مسويه شي كبير
وش فيك محمله الروحه فوق حجمها الطبيعي ترى مثلها مثل اي مكان ترفيهي 😁
صحيح في حركات وتصرفات مقرفه شفناها من قلة نادره الله يهديهم وفي بعض الاخطاء اللي تحتاج تحسين وتنظيم اكثر لكن هذا الشي لا يعني اننا نجحف كل الجمال اللي بالمكان والجمال اللي في اخلاق الحاضرين وان هذا كله غرضه ترفيهي وليس قلة ادب وانا واثقه لو كان العدد محدود كان شفتي وضع افضل بدون تلصق وكتمه
بدليل الناس اللي كانو بعيدين عن الزحمه فالينها ومبسوطين ويتفرجون من شاشات العرض الكبيره ومحد يحتك فيهم ولا يلمسهم هذا غير الاماكن اللي فيها استعراضات بهلوانيه الناس متجمعين حولهم بدون زحمه ومستانسين برضو حلوين شفتهم طبعاً في سنابات المشاهير اللي امس

ما اخفيك اني انزعج لما اقرأ كلام فيه دخول بعرض بنات الناس المستورات او التقليل منهم لمجرد انهم اختارو يحضرون حفل موسيقي انتشر عنه بعض المقاطع الشاذه لناس تصرفت بسلبيه وقلة ادب اشوف انه غير منصف اني اهاجمهم واشملهم بالسوء اللي شفته او اللي انا اظنه ومتخيلته عنهم وقد يكونون هم ابعد من كل هذي الامور اللي نظنها بدليل مثل ماقلت لك اني شفت ناس كثير في حالهم ومحترمين انفسهم واللي حولهم

وبالنهايه هذي الاماكن تناسب ناس معينه وما تناسب فئه اخرى جوهم ومزاجهم مختلف كلياً
كلن يختار اللي يناسبه
الغلط نذمه لحاله كفرد والزين نثني عليه بالمثل ونذكره وما نجحفه حقه

لك كل الود والاحترام يا جميله ❤️

حكومتناا ماتتعب
إلا للشي الصحّ الله ينصرهم..
وعمرهاا حكومتنا ماسوت
شي ضد مصلحة الشعب..


لكن الغلط من الشعب
نفسه فشلنا
قدام الأشقاء
من جميع الدول
الحاضرة..
وكل التصرفاات
إللّي صاارت
تخص كل فرد
مانقدر نعممها


وبكل مكاان
فيه الصالح..
وفيه الطاالح..
فيه السوي
والأعوج..

حتى بدوامك
فيه الزينة
وفيه الشينة..
وماراح نحرم أنفسنا
علشاان تصرفات
بزارين طايشة وشويّة
نااس جحلط..
بنروح وننبسط
ونغض نظرنااا عن السلبيات
وكلنٍ يمثل نفسه
بأي مكاان
يروح له..