ألي ساكنه مع أهل زوجها تتفضل🌷

يسعد صباحكم بنات ، أنا متزوجه من ١٣ سنه وعندي الآن ثلاثه الله يحفظهم
وساكنه مع أهل زوجي





حابه أسأل ألي مثلي من الحريم الي من سنين ساكنه مع أهل زوجها






كيف نظامك مع قهوة المغرب ؟


هل تستقبلين معاهم الضيوف ؟


هل منظمه وقتك مع زوجك ؟






بالنسبه لي قهوة المغرب أحياناً في قسمي عندي ركن القهوه ( مثل المطبخ المصغر مع ماكروويوف وثلاجه صغيره وغلايه وآلات القهوه ،


وكل ثلاث أيام أتقهوا مع أم زوجي


وأحياناً أطلع أتقهوا مع صديقاتي






الضيوف أنزل لهم أم زوجي تبغاني في العزيمه أذا ماكنت طالعه أو رايحه لأهلي




المطبخ واحد غدانا وعشانا معاهم على نفس السفره لكن نص الدور الثاني لي ولأسرتي الصغيره






منظمه وقتي مع زوجي واذا بنطلع نرتب لها من قبل لأنه مشغول مره ولا أشوفه كثير






سكنت معاهم يبغون ولدهم معاهم ويبون أحفادهم عندهم

93 تعليق 16,285 مشاهدة

شاركي في النقاش

سجلي الدخول لإضافة تعليق.

التعليقات

93
  1. @hamora

    ساكنه لحالي بس حبيت اشارك حلو نظامك بس تتغدوا كلم مع بعض طيب اذا مثلا جاي عبالك اكله معينه نفسك فيها عندكم يعني طباخ يطبخ لكل واحد الي يحبه
    وبالبنسبه لركن القهوه حلوه الفكره انا حاطه بغرفه الضيوف ثلاجه مكتب صغيره اذا جاني احد ينام اعبيها عصاير وشكولا عجبتني فكره القهوه بعلمها لقدام باذن الله
  2. @zmn_ftah_aasryh

    اذا انتي مرتاحه بارك الله فيك
    بس اذا معه اخوان لا تزعلين وتقلبين الطاوله عليهم اذا شفتي سلفتك مستقله
    وتقولين صبرت عليهم
    موضوع الاكل على سفره واحده ضد
    تصيرين كانك اخته في نظر زوجك
    بعد كم سنه يبغى يعرس
    عشان يجرب الخصوصيه والرومانسيه والحياه الزوجيه الكامله
    واعتقد ١٣ سنه كافيه خلاص
  3. صاحبة الموضوع
    هامورا
    ساكنه لحالي بس حبيت اشارك حلو نظامك بس تتغدوا كلم مع بعض طيب اذا مثلا جاي عبالك اكله معينه نفسك فيها عندكم يعني طباخ يطبخ لكل واحد الي يحبه وبالبنسبه لركن القهوه حلوه الفكره انا حاطه بغرفه الضيوف ثلاجه مكتب صغيره اذا جاني احد ينام اعبيها …
    هلا حبيبتي أيوه عندهم طباخ لأن جنب البيت أستراحه للضيوف الرجال


    شوفي هذا ركن القهوه جبت الصوره من النت👇


تابعي تجارب أخرى من هذا القسم.