التباشير 8️⃣ لمواليد نوفمبر ١١ وديسمبر ١٢ 2️⃣0️⃣2️⃣1️⃣

شربت والله وطالعه نازله في الدرج بس ماجا يومه الله يفرجها علينا جميعاً يارب

بحكي لكم اكشني الجميل والحمدلله من قبل ومن بعد
🥺❤️❤️❤️ يوم الجمعه بدت معايا تقلصات خفيفه محتمله ومتباعده جدا وطبعا طنشتها وقاعده أمارس يومي عادي وبشكل معتاد وربي حبيبي فرجها عليا بشغاله من اسبوع وقاعده معاها ادربها وهيا تشتغل وانا احووووس وراها واشتغل هنا وهنا وادووور ادور اي شغله لدرجة شغالتي قامت تقول لي مدام انتي لازم راحه خلاص تعبان انتي بس تتحركي كثير ومافي راحه تذكرت كلام بنت الغالي اللي يجيها نشاط يعني بتولد وهي الصادقه والله🙊🤣
المهم طنشت اوجاعي وكملت يومي طبيعي وقلت كده او كده موعدي يوم السبت الساعه ١٠ وربع الصباح بروح واشوف وش تقول لي وبقولها ع الآلام اللي تجيني وبس صارت الساعه ١٠ من مساء الجمعه بديت احس التقلصات تزيد ألم يمسكني بظهري وبطني وزي الدف ع تحت فظيع بس لازال الفترات متباعده واتحمل وزوجي يشوف وجهي يتقلب لمن تجيني ويقول لي يلااااا قومي ع المستشفى وارفض اقوله لا ي شيخ بعيد الفترات مو قريبه وكلها الصباح ويجي موعدي واقوم اجهز الدجاجه وبسوي عشا واقفه بالمطبخ واشوف الألم يزيد بقوته كمان سنننه بس اتحمل وأكمل عشايا وعشيتهم وبعدين قلت بدخل اخد دش واسوي لي بانيو حار واخلي المويا تصب ع ظهري واشوف لو الوجع راح يعني الوضع تمام وبس بسرعه قمت شيكت على شنطتي وشنطة النونو تبع المستشفى تشييك نهائي ودخلت أخذت دوشي وطلعت تعطرت ولبست لبس الطلعه ع اساس صرنا ١ ونص بالليل قلت خلاص اكون مستعده من الآن البس وانام عشان اصحا ع المستشفى ع طول وبعدها اجي بنسدح وانام الا ويزيد الطلق معايا والألم يقوى ويشد وتصير الطلقه يوم تمسكني من قوتها اكتم نفسي هنا انا بديت اخاف واقلق وأحاول اشغل نفسي عن موضوع انها ولاده بحق وحقيقي 🙊🤣😭 لان من ناحيه كان الوقت متأخر جداً ودكتورتي ماعندها نظام استدعاء ومن ناحيه مامتي بالمدينه تنزل الأحد ومليون مرا سألتني قبل تروح عندك أوجاع عندك ولاده واقولها لا تروحي وترجعي بالسلامه❣️
وهي كل اللي كانت بتروحهم يومين حركت الخميس وبترجع الاحد بالليل وانا ميته رعب لانو دايما مامتي الله يطول بعمرها تحضر معايا وحضرت معايا كل ولاداتي
المهم اكمل لكم بعد ماجلس الوجع يزيد وانا لازلت صامله 🙊 قلت بقوم انشف شعري واستشور ع السريع وفعلا جلست اسويه واتالم واتصبر خلصت زااااد والدف ع تحت زاد وهنا خلاص أعلنت الاستسلام وقمت لبست عبايتي وحطيت الشنطتين عند الباب واكلت ٧تمرات وشربت حليب مع زعفران ع السريع ورحت لزوجي وهو يتفرج ويأكل واقوله يلا ويخاصم يقول لي من متا وانا اقولك يلا ويلا وتقوليلي لا وموعدي الصباح وبستنا الموعد وهو يتكلم تجيني الطلقه أقوى وأشد و قمت اصرخ ذيك الصرخه واتحجر مكاني وامسك من تحت وكانو شي بيطيح سبحان الله وزوجي تجيه الروعه ويقوم يترعب ويحط نفسو في ثوبو ويأخذ الشنط ونطلع ويسوق بأسرع شي ممكن والحمدلله أن المستشفى قريبه مني وادخل طوارئ على طول وتبدأ الاجراءات وع الحظ يقولولي في دكتوره وحده مناوبه وعندها مريضه بالطوارئ اجلسي بالانتظار شويه وانتظر واحس مو قادره وزوجي يخاصمهم ويزعق كانت الساعه وقتها ٣ونص الفجر تقريبا وبسرعه يجوني ويدخلوني ويحطو التخطيط ويسوولي سونار يتاكدو من وضع النونو ع تحت أو لا ويشوفو كيف وتجي الدكتوره وتجلس تسألني اسأله واجاوبها آخر شي صرخت معد قدرت قلتلها خلاص اكشفيييي جت تكشف على طول فرصعت عينها وقالت ولاده تنويم فوق على طول فاتح ٥ونص ماشاء الله ولين مرا وهنا تجيني الشهقه والبكيه وتزيد وبس ابكي خوف ع قلق ع زعل انو ماما مو معايا ويحطوني بالكرسي ويطلعوني فوق غرف الرعب اسميها ولين عند البوابه قالت لزوجي ممنوع رجال هنا انت استنى ويخاصم ويحارب ويزعق وانا أزيد في البكا كمان زوجي مايدخلوه معايا وبس ابدا رفضو مع انو حضر معايا ولادتي ببنتي الأخيره بنفس هالمستشفى بس تغير نظامهم الآن المهم استسلمنا للأمر الواقع وددخلت لحالي💔 فسخوني ملابسي سلسالي وساعتي وكل شي كنت لابسته واخذو الجوال كمان يقولو يأثر ع الاجهزه وكده وهذا كمان اول مرا يصير معايا انو الجوال ينسحب حاولت يخلوه رفضو حطو التخطيط وتشوف الطلق حار جت تكشف قالت ٦ وانا اقلب ع اليسار من شدة الوجع وربع ساعه يزيد الوجع واصرخ وتقول لي الممرضه لاتبكي حبيبي وتمسح دموعي وتقول دوبي قست لسه ٦ واقولها لالالا قيسي تاني مرا مرا قوي واحسو بيطلع واصرخ وابكي وقامت تشوف وتصرخ وتنادي الدكتوره واحط الكمام واسحب واشفط من قلبي وادق واصرخ وانا بالكمام واحس كاني مابين الحلم والتخدير والوجع قمت اهلوس قفلو الكمام عليا عشان صرت مع التخدير والدروخه معد أدف تمام وارمي الكمامه واصرخ ذيك الصرخه مع الدف وادف بقووووة وطلع حبيبي ع الدنيا ونورها الله يحفظو الساعه ٤و٤٠دقيقه مع أذان الفجر 💙🥺😭
واللهم لك الحمد والشكر كما ينبغي لجلال وجهك وعظيم سلطانك ربي حاس اني وحيده ومرعوبه من دون ماما ولا زوجي حولي وقت الولاده
وسهلها عليا وسخر لي ممرضه زي العسل وكانت كبيره بالسن وحنووووونه جدا الله يسعدها وين ماراحت وجت تمسجني وتدعيلي وتمسح دموعي وتروح تططمن زوجي كل شويا كل ده بفضل الله ثم دعوات ماما ليا وقتها بالحرم تقول لي ماما اتصلت عليك ماتردي وانتي قبلها داقه قلبي حسني وكنت بالساحه اصلي وادعي لك من قلبي وهنا عرفت انو رب ضارة نافعه والف الحمدلله الف الحمدلله جلست بالافاقه كلها أحمد الله واشكره ومخدره من الكمام اضحك وابكي واصيح
بس وقت الخياطه اتوجعت وكنت اصرخ واحس فيها هالمره سبحان الله اول مرا احس بوجع الخياطه كده وبس حبايبي هذا اكشني والله يرزقكم الاكشن السهل المريح السريع ويكتب لكم لحظة الخراج السريعه المريحه يارب🥺💙🙏

طولت عليكم بأكشني سامحوني 🙂
بس نسيت اقولكم كروشات اسمعو نصيحة الغاليه بنت الغالي انا من اول يوم دخلت التاسع لليوم العاشر اللي ولدت فيه وانا اشرب حليب حار بالزعفران وأظن كان له دور بالتسهيل الحمدلله🙏🥺طبعا بالاضافه لاني كنت اشرب عصير أناناس طبيعي شبه يومي بالتاسع واخد دوش حار واتقرفص كتير والجماع كمان له دووور🙈والله يهون عليكم ويسهل لكم ويفرح نظرتكم أن شاء الله 🙏❤️

اسفطي احسن عشان ماينشف
انا كذا واضطريت اشفط

لااا ما لقيته 😔