التجمع الـ٢١٠ للمقبلات على الحقن المجهري (تجمع البشائر بإذن الله)

والله هالطاقه السلبيه ماودي ابثها فيكم
بس لمنو افضفض زوجي كل ماكلمته قالي قفلي الموضوع ومانبي نراجع مستشفيات بالاضافه للحاله الماديه الي احنا فيها
استغفر الله مرات اتحسف على الزواج بكبره احس اني ضعيفه ويائسه ومدري من وين ابدا وشنو اسوي وكيف ادبر مبلغ واعيد العمليه
انا ادرس وقمت سويت لي مشروع وصرت ابيع كوكيز تخيلوا والله والله حاطه اقل ربح لي ومع ذلك اللي حولي يستكثرون المبلغ وادري يشترون من برا بالضعف ومايعجبهم ويرمونه شوف عيني
الحين ماصار لي شهر من بديت واحس اني خلاص بوقف اساسا ماجمعت ربح للحين يادوب طلعت قيمة الاغراض الي شريتها
ودايم افكر عمليتي ليش فشلت؟ كل شي كان تمام كنت حاطه املي فيها وكأنها اخر خيار طبي بلجأ له ولما سويتها فشلت!! والله للحين في صدمة فوق الفشل الدين الي اخذناه للحين ماخلص
غصه مو قادره اطلعها ودموع مو قادره اوقفها وكلامي ملخبط بس ودي افضفض لاحد احس لو ما تكلمت بتجي لحظه بنهار فيها😔😔

حبيبتي انتي بتهون وكلي امرك لربك وعيشي حياتك وانبسطي الاطفال صدق نعمه وزينه الحياه لاكن نفسك لها حق عيشي حياتك وانبسيطي والي ربي يكتبه لك يمتبه الحمدالله كل شي خيره من ربك وان شاءالله بيرزقك يبيلك صبر 🥺حاسه فيك والله

هذي اول محاوله لك ..؟

كل ماقلت بنسى واطلع او احد يجيني لازم يذكروني بالموضوع كرهت حتى الدعوه
ماصرت ابي احد يدعي لي قدامي او قدام جماعه

تخيلي صاحبتي كانت زايرتني بنتها قبل تمشي تقولي ليش ماعندكم عيال؟؟ لا تتخيلين وجهي كيف صار طفله كيف ارد عليها بلحظه حسيت بنهار حطتني وحطت امها بموقف محرج

ياعمري فضفضي جعل مايفضفض غيرك
لي عوده ان شاءالله باعلق

اااخ يالعنود الله يجبر قلبك ويعوضك 🥺💔💔


وربي صاير يجيني الم بصدري اذا قريت تجربة فشل😭