الله ياخذني مثل ماصرت الكبيره

بنات الحين
عشاني كبيره كل ذا علي !!
كرهت نفسي وكرهت اهلي
من يوم كنت صغيره وانا المسوليه وكل شي فوق راسي
وكنت اقول عادي كل البنات الكبار كذا
الحين عمري ٣٠
وعندي اخت اصغر ٢٤
واصغر ٢٢
كلهم كبار ومتعدين سن الرشد وموب قواصر
المصيبه نطلع مثلا كوفي مطعم اي شي نطول او يصير شي
امي تحملني الغلط
زي هذا كبرك معهم ولا لك كلمه
يسحبونك معهم من الغبيه ولا تسوين شي ولا تهرجين
يعني كذا زي المرض فيها تحسبهم بزران تبي اقولهم
لا مانروح
لا مانطول
مره سويت هالحركه وكرهوني خواتي ولا الومهم
التحكم شييييييييين
امي ماتقدر عليهم تبيني انا ارجعهم بدري مثلا!!
او اتحكم لاتلبسين العبايه هذي لاتشترين اللون ذا!!
خلصنا من امي
تجي اختي
بعني مره امي كذا ازعجتني اتصالات
ارجعو وينكم وحنا بالمطعم جيت غثيت خواتي
يلا نرجع امي بس تدق امي غثتني بس تهاوش
طلعو لكن نفسياتهم زي الزفت وطلعو كل حرتهم علي
قالو لاعمرك تجين معنا دامك كذا
انتي معطيته وجه
حنا موب بزران تغثوننا كل ماطلعنا
خربتي جونا ممدانا ندخل
يعني عرفتو كذا الموضوع
قسم بالله جاني انفصام اذا رحت معهم امي قامت
تغثني وانتي وانتي
واذا غثيتهم بحركات امي
قامو يتاففون ويقولون خربتي علينا
لاعمرك تجين حتى ماتمشينا حتى ماكلنا
انتي وش بك انجنيتي لين رجعتينا لاعمرك تجين
دامك كذا
تعبببببببببت نفسيا يابنات منهم
انا وش دخلني طيب بالذات امي كيف اتفاهم
معهم لما تحملني هم بناتها والمصيبه موب بزران
يعني انا مو امهم عشان اتحكم متى يجون
مره قلت له انا مو امهم
اتحكم فيهم قالت
بس فالحه يسحبونك معهم<انا اطلع مع خواتي برضاي
واحب الطلعات
لكن امي تحسسني اني مجبوره!!
خاصه اذا رفضت اني اتدخل زي مثلا يلا رجعيهم
يلا وينهم
تجي تحملني انا الهم
تكفون بنات وش الحل لو انك بمكاني ؟

19 تعليق 2,986 مشاهدة

شاركي في النقاش

سجلي الدخول لإضافة تعليق.

التعليقات

19
  1. @kmr_khald_1_1

    ههههه انا بعد الكبيره ونفس وضعج بس بالعكس حبيبتي هاي كله اجر لج لمه تبرين في اهلج وامج تسوي هل تصرفات من خوفها عليكم انتوا بنات والدنيا تخوف الصراحه وبالعكس انصحي خواتج انا اشوف تصرف امج صح 💜💜💜
  2. زائرة

    ي شيخه الله يوفقك بالزوج الصالح التقي النقي
    خلاص أصبري عليها وعيب تقولين أمي أزعجتني بالاتصالات
    أحمدي ربك على نعمه الأم
    انت سند بعد الله سبحانه وتعالى لامك ولا اهلك
    كذا يكون فيك خير
    مالك الا الصبر
    أكيد الله سبحانه راح يعوضك بكرا
    والمسؤولية وراك وراك حتى لو تزوجتي هذي الحياه
    شقى في شقى محد مرتاح فيها الا القريب من الله سبحانه وتعالى
  3. @lyn1_2

    اذكري الله ياقلبي 😂😂
    حتى انا الكبيرة ونفسك واي مصيبة تصير يحطوها برأسي
    واي شيء انا المسئولة عنه
    عاد تعودت خلاص مالك الا تصبري وأجر لك وقولي لأمك الله يحفظها انك مو مسوؤله عنهم
    وهم خلاص كبار وتكلمهم هي لأنهم يتضايقون منك
    وقولي لخواتك كلموها انتوا واقنعوها
    و إذا مانفع هذا الشيء عادي اخرجي وتونسي ولما تكلمك قولي تمام وابشري ولاتتضايقين مافي شيء يستاهل
    وترى لما تتصل وتعصب عليك لأنها تثق فيك وانتِ سندها
    الله يسعد قلبك ويشرح صدرك
  4. @dnya_ghrrybhh

    صاحبة الموضوع
    والله تعبت يابنات احس اني ام وانا ماتزوجت وش ذنبي!!
    اني اصير مسوله عن بناتهم ولازم ارجعهم ولا تتصل عليهم
    المصيبه كل شي علي انا لحالي
    ماتدق الا علي حتى خواتي قالو لاتردين لانك معطيته
    وجه بس تدق عليك واذا مارديت ورجعت جلست
    تهزى فيني لحالي وكاني انا مسوله عنهم

تابعي تجارب أخرى من هذا القسم.