الشيخ عبدالله المطلق : يجوز تهنئة غير المسلمين بأعيادهم

يسعد قلبك وكل اوقاتك ياروحي 🤍
حابه اقولك كلمتين معليك منهم ولا تهتمي بكلامهم
الله يعرف نواياك ويعرف قلبك ويعرف عواطف
وهذا كفيل بإن يبث الطمأنينة والراحة بروحك ..
واغلب الي ردوا بهذاك الموضوع السيء
يرتدون الدين وهم بالأساس بعيدين كل البعد عن أخلاقه
ينهشون لـحم المسلمات حسبي الله ونعم الوكيل
إلى الحين مو مستوعبة ان إنسانة كتبت هذاك الموضوع
وتحملت كل تلك الذنوب .. المهم
أستمري وعبري عن نفسك وعن رأيك وانتِ حرة
والحمد لله الحساب بيد رب العالمين مو بيد البشر ..
والله يجبر بخاطرك ويسعدك سعادة الدارين
ويوفقك بكل خطوة ويحفظك أينما كنتِ .
وبخصوص هذا الموضوع انا معاك واعتبره شيء إنساني
ولا يضر دينا لأن ديننا دين رحمة ويحث على المحبة .

سبق ذكرت عدة مرات ان محد ملزم بتهنئتهم
وبنفس الوقت محد له حق يستنكر ويعترض على اللي يهنيهم ومايحتاج اكرر كلامي وافصل
وماودي اناقش الموضوع ولا اتوسع فيه واقول كل اللي عندي احتراماً لنفسي ولمعرفتي الجيدة وإلمامي بكل الآراء ومستويات الفهم هنا
ومثل ما قلت اصلاً ماني حريصه اقنع احد كلن حر طالما لم يضر
غرضي من الموضوع ذكرته في ردود سابقه واكيد محد له حق يعلمني ايش اكتب
شكراً على ردك🌹

هلا بك انسانة الجميله 🌹🌹
شكراً على اجتهادك
بالنسبه لي كل شي واضح ومطلعه على جميع الاراء من سنوات يعني هذا الموضوع مو جديد علي ولا فيه اي خلاف عندي
ومثل ما قلت لرغد السعوديه ما اشوف ان فيه أي تعارض ولا تنازلات ولا أي شي يمس الدين (بالنسبه لي)
وكل الكلام اللي انذكر في المواضيع الاخرى اللي تهاجم شخصي مجرد هرطقات ومبالغات غير منطقيه وشطحات تجر صاحبها للتهلكه لا اساس لها من الصحه
اذا الاعمال بالنيات كيف الشخص يتجرأ يحكم ان التهنئه مغزاها ايمان وتصديق واشراك ... الخ من التهاويل اللي ذكروها البعض هل شقوا قلوب الناس وشافوا نواياهم وعرفوا ايمانهم ؟ الجواب لا ولن يستطيعوا
واذا كانت التهنئه فيها محاذير وشرك فالزواج منهم اكبر محذور ورغم ذلك مباح نقطه تستحق التفكر فيها
طبعاً مثل ما قلت مليون مره غرضي من الموضوع ليس الاقناع ولا حتى النقاش لاني مكتفيه واخر همي اقناع الاخرين لكن هي حجة وضعتها ويا اهلاً بحسنات لم اسعى لها .

نورتي يا جميله 🌹

الله يسعد كل ايامك بالخير والرضا والنعيم هلا بهالطله 🤍
يا زينك وزين كلامك اللطيف اللي مثل البلسم يدخل القلب ويشرح الصدر
ولا تشيلين هم ما حطيت في بالي شي من خرابيطهم
لي سنوات بعالم حواء وصرت حافظه وصامه انواع العقليات والنفسيات والشخصيات
ومثل هذا الموضوع مو شي جديد كل سنه يتكرر ويتكرر معاه نفس الكلام ونفس الاحتقان والاستفراغ النفسي
الفرق اني مؤخراً مفعله عندي " الطز" على قول ايمان بنت سعود ومطنشه بعكس زمان كنت اغضب من التكفير والرمي بالشرك واحاول اشرح واوضح
وحالياً بفضل تكفيرهم المستمر صار عندي مناعه وعدم مبالاة وتبلد من كلمة كفر وشرك وما اناقش ولا ابرر ولا ادافع مثل زمان مكتفيه برأيي
ويا حظي بحسنات ما سعيت فيها انا استحق كل الخير
وفعلاً ديننا دين الرحمه وصالح لكل زمان ومكان

نورتي يا صمت الله يجبر خاطرك ويسخر لك خيرة خلقه اسعدني لطيف كلامك واحترامك وذوقك 🤍❤️

يا اختي عواطف لاحظت الي رديتي عليهم كلهم م يهمني اقنع احد وكل واحد له رأيه وآخذ حسنات ومالكم حق تعلموني وبكيفي اكتب الي ابي والخ .. ليش كل هذا التحسس انتي كتبتي فتوى واحنا ردينا عليك بأدب ترا الاغلبيه قالو وجهة نظرهم مثل ما قلتي انتي وجهة نظرك ... احنا دخلنا معك بنقاش ناخذ ونعطي وقلنا لك وانتي عليك تردي علينا وتعطينا من علمك عسانا نستفيد ... البنات ما قصرو وبررو لكن انتي ما رديتي على تبريراتهم كل كلامك بمعنى انهم يكرهونك ومضغوطين منك لا حبيبتي لا يروح تفكيرك بعيد ... اذا انتي مو قد النقاش لا تفتحي سوالف خاصة بالدين ..