ادخلو شيرو علي قبل اتورط

مو عارفه من وين ابدى جسمي كلو يرجف خوف وتوتر
انا دخلت بمشاكل كثير الفتره هذي كلها وسكت قلتولي لاتظلمينها انا ماظلمتها الي مايعرف بنت زوجي ناويه لي على شر ابوها يوم من الايام جابها من المدرسه وجا بيفتح عليها الباب حصلها تتصور بس مدري وش المشكله بالضبط عصب عليها واخذ المفتاح وطلع الكيلون حق الباب عشان ماعد تقفل على نفسها انا هنا تدخلت قلت ياخي وشبك عليها هد شوي وصار ماياكل حتى في مكان هي فيه شفتها متضايقه قلت اغيرلها جو سويتلها قهوه معي البارح وسولفت معها قام زوجي قال انتي غبيه ليش تعطينها وجه قلت قلت ياخي عادي حتى متصورين اسوي لعيالي سندوتشات واسويلها واروح عندها لغرفتها زي ماقلتلكم كانت متينه وسوت رجيم عندي وام زوجي والناس ماخلوني بحالي جوعتها ماخلتها تاكل
اللحين شفتها تقفل على نفسها وماتاكل ودايم انا اروح اكلمها واقولها تعالي كولي معنا بس اليوم حسبتها نايمه دخلت باخذ ملابس لبنتي حصلتها مقفله االمبات وجالسه ف الظلام قلتلها وشبك ليش ماتغديتي انا حسبتك نايمه وبقيتلك وردت علي بدون نفس قالت ماابي انا هنا انهرت قلت والله ماعد اكلمك ولاعد اقولك تاكلين وبكيفك وطلعت اصارخ زي المجنونه خلااص خلاص
قبل يومين جاب عشا وكانت نايمه رحت اصحيها قالت ماابي احلفلكم بالله ماارتحت حتى وانا اكل قالي ابوها انتي وشبك خليها تقعد ماتبي بالطقاق ولاسمعت له حاولت فيها يمكن اربع مرات وبقيتلها من العشا قالي ارميه خلاص ولاسمعت له بس جلست نايمه للفجر عاد وقتها قلت اخاف تتسمم لو اكلت منه
حتى حصلت في دولابها فوط وانتو بكرامه مستخدمه فيها دم 💔 ولاترميها ف الزباله وسكت ولاتنظف تشمون ريحة غرفتها من الصاله
امانه قولو لي وش اسوي كنت بنزل شنطتي الكبيره واحط ملابسي وملابس عيالي واسافر وارتاح من العيشه هذي واتراجع كل مااتذكر ظلم ابوي لي وضربه بدون سبب الا يطلعوني ظالمه ومفتريه بالقوه دايم اقول لزوجي تشوفني مقصره معها قال والله انك تسوين معها اشياء امها ماسوتها معها
بس الي يقهرني ليش تجوع نفسها عشان يتكلمون فيني 💔والله العظيم حتى اللحم والدجاج اقطعلها من طيب نيه بس اشوفها تكرهني وحاقده وودها اطلع من البيت
ياليت ابوي مارماني على واحد مطلق دايم حياتي بمشاكل ولاقد ارتحت