🎉❄️التباشير 7️⃣ لموآليد ينآير و فبرآير 2022 🎉❄️

مارثا ياقلبي خيره بأذن الله لايوسوس لك الشيطان




قبل كم يوم الدكتوره وسام الزير اللي بالحبيب اذا تعرفينها منزله في سنابها تطلب المتابعين يدعون لوحده اسمها بشاير مشكلتها انو المشيمه نازله وتسببت لها في نزييف فضييييع دخلها العنايه تقول كان اخر حل للسيطره على النزيف اننا نستأصل الرحم بس بفضل ربي توقف النزبف الحمدلله لكن توفى الجنين




فاللي مثل حالتك مشيمته نازله لا يغاامر ابد بالطبيعي الحمدلله اهم شي الصحه و العافيه ❤❤❤❤

اهلين في اجمل حوامل 🥰
ااه من الهرمونات وتقلبات المزاج اول ماحملت صارتلي تقلبات المشاعر
وتذكر الماضي واجلس ابكي على نفسي خصوصا سالفه قديمه صارت لي 😂
انا لازم افضفضلكم تحملوني
انا وحده هاديه وفي حالي عند اهلي واقاربي
سكنت شقه وفي نفس العمارة خالتي
بحكم عملها وسفر زوجها كانت هي وعيالها ويتردد زوجها بالشهر مره
يجيهم
اول ماسكنت حذرتني خالتي الثانيه قالت انتبهي تجيبي طاريها او احسن لك لاتسكني في نفس عمارتهم
تعرفت على جارتي مقابل شقتي سولفت عن خالتي وانها معنا بالعماره
قالت جارتي خالتك عندها سواق و زوجها مو عندها قلت ايه
يطل عليهم بين فتره وفتره لكن مو عايش معاهم قالت ليش هو متزوجها مسيار؟ قلت لا بس مايقدر يعيش معاها بسبب ظروف عمله
رجعت بيتي مبسوطه
كلمت أمي واسولف معاها شفتي يمه وش حصل رحت الجارتي وانبسطنا وانها تحسب خالتي متزوجة مسيار ووووالخ
امي الله يصلحها راحت خبرت خالتي بالحديث اللي دار بيني وبين جارتي
خالتي راحت طقت الباب على جارتي اخذت رقمها وقالت بدق عليك الحين في موضوع مهم
كلمت جارتي هل انتي قلتي عني اني متزوجة مسيار وحكيتي فيني
الجاره خافت وانكرت وزعلت مني ليش اوصل الحكي الخالتي
راحت خالتي تسالني في بيت جدتي والكل موجود من خالاتي انه وشقالت الجاره عني طبعا انا بالاول مادريت ان خالتي مكلمه جارتي خالتي وصت جارتي لاتكلمني وتسكر الموضوع وهي راح تتفاهم معاي كنا ذاك اليوم في بيت جدتي وخالاتي موجودات قالت خالتي وش قالت الجاره عني قلت قالت انه تحسبك مسيار لكن عادي تمزح قالت انا دقيت عليها وانكرت
ليش تكذبين قلت هي قالته واكيد انها خافت منك وبتنكر بدق عليها قدامك وتسمعين
وبعدين ليش تكبرينها وتدقين عليها على كلمه قالتها بدون قصد ليش تحسستي ترى سالفه سخيفه وماتسوى
وانا اسفه اني رحت سولفت مع أمي ماكنت اعرف ان امي بتعلمك وانه بتزعلين
وبست راسها واستسمحت منها وقلت ابد ماراح تسمعين شي ابد يضايقك وحقك علي
دقيت على جارتي اعتذر منها على اللي سوته خالتي وقلت انا اسفه حطيتك بموقف محرج وجارتي كانت متفهمه جدا واعذرتني
بعد يوم دقت خالتي الثانيه قالت انا محذرتك من زمان وش تبين تسكنين مع خالتك وعارفه راح تصير مشاكل قلت الله لايجيب المشاكل وانا وخالتي اللي ساكنه نفس عمارتي تفاهمنا وانتهت المشكله قالت لي خالتي الثانيه اسمعي ترى تدرين ان خالتك تقصد طبعًا خالتي اللي ساكنه معاي نفس العماره قالت تدرين تراها تقولي وصلي الرغده انه لو سمعت مجرد سمع فقط انها جابت طاريي ولا طاري عيالي او زوجي
والله ثم والله انه ادق على زوجها واخبره بكل شي والله اسبب لها قلق مع زوجها فخلها تبعد عني ولاعاد تجيب طاريي بالعماره
قلت الخالتي يا خالة انا قبل يومين بس بايسه راسها ومستسمحه منها ومعتذره وامورنا تمام وش له تهدد في زوجي ليش قلبت وش جاها قالت والله انا مجرد مرسول اوصلك الحكي عندك شي ارسليها شخصيا
قلت برسلها واتس
وارسلها واتس ياخاله خلاص سالفه وانتهت وحليناها بوقتها وش له ترسلين خالتي وتلجأين الوسيط يوصلي تهديدك خلك واضحه وارسليلي بنفسك ،، قراتها وسوتلي بلوك
أستغربت خالتي وش جاها قبل يومين بايسه راسها ومستسمحه منها وصافي يالبن فجئه ترسلي خالتي الثانيه تهدد ثم تسويلي بلوك وش جاها الحرمه قلبت
دقيت على جارتي قلت خالتي وضعها غريب قالت خالتك يوم تدق علي تراها ماخلت ولا بقت كلمه ماقالتها بحقك ،، قالت لي انه مايحبونك لا انتي ولا امك ومايطيقونك وانها قايله الخالاتك الثانيات وبناتهم يقاطعونك وانصحتني انا شخصيًا اقاطعك وقالت بناتك مو مؤدبات وزوجك يالله متحملك ومايبيك انا هنا انفجرت
رحت اواجه خالتي وفعلا طلعت قايله كل ذا الكلام وقالت انه قهرتيني وانفعلت وقلته ومن يومها وانا اعوذبالله كارهتها وعجزت اسامحها لكن طبعا قدامها محترمتها جدا بس قلبي عجز ينسى خاطري شايل عليها
أمي أكثر انسانه ساعدتها ماديا ووقفت معاها بالاخير عند جارتي تقول انه احنا مانطيقها لاهي ولا امها ونبتعد عنهم ونتجنبهم واساسا محد يبيهم ومهمشين وفوقها تنصح جارتي تقول انفذي بجلدك واقطعي علاقتك فيها هذي ماينولك منها الا المشاكل
عجزت اتخطى كلامها وانغرس بقلبي مثل الجرح وعجزت اسامحها دائما اذا تذكرت السالفه أبكي بحرقه كيف شخص قريب لك وفي مقام والدتك يسوي فيك كذا بدون رحمه 🥲 والله عجزت انسى عاد مع الحمل دائما هذي السالفه تطري في بالي لانه في ذيك الفتره كنت حامل واخذ اونسولين ونزيف ،،وخالتي تدري ومارحمتني ،، دائما تطريلي واتحسب الله اقول كيف الانسان مافيه رحمه ولا تسامح
أتذكر كنت على أعصابي لايدري زوجي وتكبر الحكايه واتفشل عنده من حركات خالتي اللي مقدستها عنده واقوله هذي في مقام امي..

ياحياتي موقف ومر حاولي تتناسيه ممكن تكتبي وتبكي علشان تتخلصي منه قدر المستطاع
وخالتك لازم تتقبلي الحقيقة إنها مو نفس مو أنت تتعاملي معها وانها بمقام امك
لازم تواجهي نفسك ولا تعيشي دراما
احيانا شقيقتك تكون تغار منك وتكرهك لذلك لازم نتقبل ونمشي في الحياة ومانوقف على احد
والمفروض طلعتي من عندها اذا كان يمديك وماقعدتي في نفس العمارة
في ناس بحياتنا حلهم الوحيد البعد فقط والمواجهة معهم مانفع لان قلوبهم مريضة
واخيرا هذي هرمونات الله يعينك ايام وتعدي
الله يجير قلبك حبيبتي

ياقلبي يارغده تحملتي كثير


لكن احس الخلل بخالتك رحمتها مره احس نفسيتها تعبانه ومتحسسه من زوجها انه يجيها مره بالشهر اكيد بتشيل هم نظرة الناس وتفكيرهم لها عشان كذا ماتحملت كلمة مسيار

ولا مافيه وحده عاقله تسوي اللي سوته💔

الحمدلله الذي عافانا وربي يشفيها ويرد لها زوجها

ان قدرتي تغيرين العماره افضل وان ماقدرتي خلاص خليك بحالك لاتختلطي فيها الا بأجتماع جدتك وخالاتك يعني بالعماره لاتخالطيها والله يقويك ويستر عليك منها 🚶‍♀️

موقف صعب.. جد الاهل ساعات يكونون سليطين ويأذون الله يكفي الشر

وهرمونات الحمل تأثر بشكل كبير ونصير دراما كوين وحساسين حتى على سوالف قديمة ومنتهية
كل ماتذكرينها استغفري وقومي اقرئي قرآن افضل


انا وضعي مايفرق هههههه من هذيك القصة كل يوم افكر الله يستر على بنتي تأزمت في بطني على ناس ماتستاهل
بس اتوقع هرمون الحمل ضارب هههههه
ساعات لين اذكر شي مضايق استغفر واقول بدال هالافكار الواحد يذكر الله افضل وماشوف روحي الا نسيت وقمت اسوي شي غير