هل قرار الطلاق في حالتي الانسب ساعدوني

طيب الخصام شهوور العلاقة الخاصة ماتصير بينكم ولا ايش

وش بتستفيدي لو عرفتي!

ياأهـلا ب ليدي 🌺
اذكر موضوعك اللي زمان ولازلتي بمخي وعلى كثر مامرت مشاكل هنا الا إن مشكلتك الوحيدة اللي حسيتها معقدة بالفعل .....
اسأل الله ياحبيبتي التيسير والفرج والصلاح من أعماق قلبببي ومهتمة جدا بموضوعك
شوفي اعتقد لو كان زوجك معطيك الإذن المفتوح في الطلعة والروحة وهو زعلان بيكون أهون عليك ،اقلها تغيري جو وتخففي من الضغط النفسي عليك ..
و إستئذانك منه وانتي مو طايقته مأثر عليك لأنه يجبرك ع الإحتكاك فيه وتحسيه يطعن بمشاعرك اكثر .
لكن فكري بمنطق ... 20 سنة ولازال هجره مأثر عليك ويصعب عليك تقبله ،،أكيد عندك خلل في قدرتك على التجاهل ،وتقبل هذي الحياة اللي من ٢٠ سنة يتكرر هذا السيناريو فيها يعني ماهي حاجة جديدة
ويفترض جتك عدوى وصار عندك شوية صمود زيه وشوية تبلد
حساسيتك تجاه الموضوع يفترض اختفت او قلت ....
مااقلك مشكلتك بسيطة وسهل التعامل معها ،،لا والله صعبة ،،والمرأة بشكل عام التجاهل يطعن كبريائها فكيف لوكان بالشهور ؟
لكن يفترض صار تأثيره على نفسيتك أقل حدة ...
انا أشوف لو تـنقلي تركيزك كله ع أطفالك وتسثمري فيهم لأنهم الحسنة الكبيرة بهذا الزواج
ولأنه المرحلة الجاية من حياتكم راح تدور حول الأولاد ومستقبلهم وظايفهم وزواجهم أكثر من كونها تدور حول العلاقة بينك وبين زوجك وبيخف تأثير المسألة عليك ....
اما بالنسبة لوضعك داخل البيت يفترض لو صارزعل تحاولي قدر الإمكان ما تحسسي اولادك بالكهرباء اللي بينك وبين زوجك
و انه مافيه شي متغير وتضحكي وتسولفي وتمزحي وتتفرجوا مع بعض حتى هذا التوتر ماينتقل لهم مراعاة لنفسياتهم ...
حتى لو كانوا عارفين انه فيه شي بينك وبين أبوهم الأهم مايحسوا بفرق وتغير في نمط الروتين اللي تعودتوا عليه
ومااعرف انتي لما يكون زعلانةكيف تقضي هذا الوقت هل تكوني مبرطمة وزعلانة وواضح عليك التأثر من وضعك ....اذا كان كذا فذي مصيبة
اولا لأنه أطفالك مالهم ذنب يعيشوا هذا التوتر
ثانيا لأنه يفترض تكوني تعودتي تتعاملي مع الموضوع بكل برود، يزعل ومصيره يفك ..
صراحة ماعندي اي اقتراحات كيف تتعاملي معه وقت الزعل
لاني اعرف من خلال التفاصيل اللي قد كتبتيها انه صعب التعامل وانا افسر حالته بأنه صاحب كبرياء عالية جدا والحلول مع هالشخصية اشوفها مضيعة للأمانة،، ماني حابة أحطمك لكن هذا كتحليل شخصي...
ويبقى الأمل بقدرة الله ...
لكن اعتقد برضو انتي طاقتك في المحاولة واجتهادك لتغيير الوضع صار ضعيف بعد هالسنين والمواقف وطاقتك انهدت ،لكن بالمقابل يفترض صار عندك خبرة من خلالها تقدري تخططي كيف تعيشي حياتك بهدوء واقل ضغط وقت هجره لكم ....
يعني بدل لاتشتغلي ع إحتمالية تغييره ،اشتغلي ع كيف تخلي حياتك طبيعية بدونه
عني ماانصحك بالطلاق ...
كلها كم سنة واولادك صاروا بعمر زواج وقتها غصب بتتغير حياتكم وينضاف لها حاجات جديدة وروتين جديد ينضاف لحياتكم إجبارا ....
وصبرك هذا الا ماتلاقي ثمرته،،، وبتلهين عن زوجك مع حياة اولادك وبيصير عندك اللي يشغل جزء من تفكيرك بدل مايكون هجره وشخصيته الشاغل الأول والكبير لك ...
ولاتنسي الدعاء مهما طال الإبتلاءو لاتيأسي 🌺....

كلام يا نهى 👍🏼

ما خليتي وما بقيتي .

حبيبتي انجلينا ربي يسعدك🌺🤍

والله يسهل أمرها ويرشدها للصواب يارب🤍