التجمع ٢١١ للمقبلات على الحقن المجهري 🔬 وأطفال الأنابيب 🧒🏻 🍼 🌺

هو اذا تبين الصدق اسلوبه مره ينرفز لدرجة مايرضى حتى يسمع تجاربك السابقه 🤷🏻‍♀️ مره كنت بتلاقط معه بسبب ذا الموضوع يقول انا مايهمني الماضي انا قدامي حاله وبتعامل معاها زي ما انا اشوف في الحاضر . واغلب التقنيات الجديده يرفضها زي التحفيز والفحص الجيني و المدري ايش يقول مالها فايده ولايرضى تناقشينه فيها 😤 مره مره اسلوبه يقهر بس شاطر وش نسوي اذا لكحاجة عند احد قول له ياسيدي 😢 يحليل بندر جيته ومعي ادويتي قلت له استخدمت ذي مع دكتوري في مصر ونجحت المحاوله ابغا ارجع استخدمها قال حاضر وتم 🙉بدون نقاش بس بندر الله يسامحه التركيز عنده تحت الصفر مع الحاله تقريبا انتي تشوفينه اول خمس دقايق وبعدها خمس دقايق في غرفه الترجيع 💔 وكل الشغل مع المنسقات واخصائيات الاشعه

غريب كلام بندر صراحه
لاتبدين الا والتكسر نزل ٢٠ وتحت

انا وصفت لي الدكتوره سي كيوتن ودهيا وسينتروم وفيتامين دال حبه كل اسبوعين وفوليك

هذا أسوء شيء على اي اساس تبدأ معي من الصفر بينما انا عندي ملف وتاريخ تجارب كثيرة !؟
كل اطباء العالم اول سؤال ياخذه بعين الاعتبار هو تاريخك المرضي


شوفي بندر العبدالكريم وعبدالعزيز الشهراني وهالنوعية هذولا شخصيتهم شخصية الرجل الشرقي فيهم شهامة ومروة يحترمون الرجال اللي داخل عليهم والحرمه اللي تكلمهم شوفي كيف يسلمون ويرحبون بس وكل ماقلتي شيء قال ابشري وعلى راسي
لكن مشكلتهم ان شغلهم محدود ماعندهم شيء يضيفونه لك لأنهم عارفين ان هذه امكانياتهم بالذااات بندر
ترى بندر اذا رفض يعمل الحقن وقال للزوج روح وعالج يعطي اشارة ان ترى مختبرنا مع عينتكم مايقدر يتعامل " لكن باسلوب علمي " ابراء للذمة
ونفس الناس يطلعون من عنده بنفس العينة يحملون من اماكن ثانية
بعد مو معقول اني بجلس عشرين سنة وهالزوج يعالج وياخذ كورسات والعمر يضيع ولافيه فايدة تذكر وش استفدنا ! ابي مكان يتعامل مع العينة الموجودة

والحبيب عموماً اللي المشكلة في زوجها مايناسبها ابداً ولافيه حتى نسب نجاح تذكر لكن اللي المشكلة منها هي بتنجح مع بندر كثييير لانها ماتحتاج مختبر كل الشغل بيكون عليها هي


والله يختي تعبنا بس بدأت أفكر في مصر والله ييسرلنا ويسخرلنا ويجبرنا