هل قرار الطلاق في حالتي الانسب ساعدوني

والله وأنا اقرأ ضاق صدر

حبيبتي بس ليدي انا متذكرت ولا عمري نسيتك سُبحان الله دائما اتذكرك وادعيلك وارسلك رسايل فالخاص 💐








بالنسبة لموضوع زوجك يبغاله معالج نفسي لأن باين عليه انه عصبي او اترسليله مقطع من شيخ يذكره بخطورة الهجر وانه ما يتعدى الثلاثة ايام بس هذ كله اذا راق وتصالحت .. انتي ما ذكرتي اهم شي كيف يرضى عادة يعني اذا زعل بالشهور كيف يصفح عنك ؟ اذا عرفتي ايش الي يرضيه عادة سويه وابتعدي عن الأشياء الي تنفزه وتسبب زعله










اما عن موضوع الطلاق ما انصحك ابد ليش لعدت اسباب :


اولها انه عشرة عمر ترى 10 سنين عمر فما بالك بعشرين !!


ثانيا انتي ام لشباب يعني تعتبري ام لأسرة محترمة ما يسوى تعيشي اولادك جو الطلاق وتفكك الأسري بس لأن ابوه زعول! ترى هذا الشي ماهو بالشي الفظيع الي يخليك تهدمين حياتهم وحياتك بعد !




ثالثا وضعك المادي انتي انسانه مستقله ماديا انتي واولادك كيف راح تعشون بعد الإنفصال ؟!
ما فكرتي انه ممكن يصرف عليكم سنة او شهور حتى وبعدها يتزوج ويخفف عليكم المصروف اشوي اشوي الين ما يكطع ايده عنكم ( ياما رجاجيل طبيعيين سوها فكيف بزوجك الزعول الي إذا خاصم يشطب الي خاصمه من حياته؟! )


رابعا انتي كأنسانه كيف بتعيشي من دون زوجك الي آلفتيه والفك حتى آذا كان زعول اهو ماهو بخائن او بخيل او معنف ! اهو زوجك الي ترتاحيله ويرتاح لك وانتي ما لجأتي لفكرة الطلاق الا لأنه دائما مخاصمك وحاسة انك مفتقده القرب منه والكلام معاها وانه يحتويك كأي زوج فكيف إذا تطلقتي ولا عدتي تشوفينه او تزوج و فصل حياته عن حياتكم ! يعني كطعتي اخر خيط لك فالحياة لسعيدة المستقله !




اختي ليدي بس فكري فكري جدا ولا تخلين الناس تتدخل في حياتك وذ الي تشوفيه عيب في زوجك ترى في كثير زوجات عايشاته ولا يقولون لأحد من الأقارب والأصديقاء !




عندي قريبة زوجها عصبي وكان اذا عصب كسر كل البيت وكان دكتاتوري ما يخليها تطلع ولا تدخل الى بعد عريضة توضح فيها دوافع الخروج
وكان حتى خواتها يتضايقون منه لأنه عصبي وصعب وبالنسبالهم انها ضيعت حياتها معاها وهي طنش تعيش منتعش
فالأخير ايش الي صار صبرت وكبرو اولادها وتغير زوجها مع السنين وصارت اهي المسيطرة والكلمة كلمتها سُبحان الله الله يرحمها توفت من اشهر بسبب كورونا وزعل عليها زعل السنين ( اهي صارت مرة كبيرة وهو بعد )


الزبدة انه الي تشوفينه طبع صعب في زوجك كفيل الزمن بتغيره ، اتمنى لك حياة سعيدة وربي يسخر لك زوجك ويحفظ زواجكم واولادكم
اختك براءة ♥️

حبيبتي براءة الجوري ووانا بعد اتذكر وقفتك معي في ازماتي معه وانتي ادرى بمعاناتي طول هالسنين وهو ما تغير طبعه بل بالعكس يزيد! وانا تعبت وطاقتي استنزفت لانه ما هي حياة هذي اللي الزوج في صوب والزوجة في صوب وما بينهم اي حياة واي علاقة ابددا ، والاولاد اما معي شوي او معه يعني ما بيننا ذكريات مشتركة مع اولادنا الا في النااادر ، اللي يشوف المشكلة من بعيد يمكن يحسها عاديه بس اللي تعيش وضعي بتعرف انه شي صعب ، شبابي ضاع معه اغلب حيااتنا متخاصمين
والله تعبت😭

طالما اطفالك رافضين الطلاق خلاص انسيه 💔😭
لان ما يبغو يتشتتوا من جد مالك الا الدعاء صدقيني مافي شي صعب على الله ادعي يا حبيبتي ادددعي كثير وخلاص ارمي حملك على الله وهو اللي راح يدبر امرك بطريقه ما تتوقعينها ☹️🙏🏻

سمعت دكتوره تقول الشخص النرجسي متعته جذب الانتباه له
والتلذذ بتعذيب الطرف الاخر ايآ كان
وعلاجه التطنيش ، ولا كأنه موجود اعتبريه شبح
راح يجي يسألك ليه مانتي مهتمه ! ليه مانتي متضايقه!
يتغذى على حزن الآخرين
تقول هذا نتاج تربية امه ، امه بالذات
فأنتي يازوجته ربيه من جديد بالإهمال لين مايتعدل ويعرف انك فهمتيه