هل قرار الطلاق في حالتي الانسب ساعدوني

حبيبتي انتي والله جزاك الله عني كل الخير يا رب ويكفيني دعائكم الطيب هذا انه يهون علي الضيق اللي احسه ربي يسعدك

والله يختي الكلام سهل اقول ما اهتم ولا كإنه موجود بس الواقع متعب جدا وخاصة مع وجود اولاد مراهقين يشوفوا امهم وابوهم كل واحد ف صوب وما شي اي تواصل من اي نوع ولا حياة مشتركة بيننا ، عسى الله يفرجها

طبعا ، رحت بيت اهلي وهو يصالحني ورافض فكرة الطلاق تماما ويرجع لطبعه مره ثانية مع انه اخذت منه وعد وعهد انه ما يخاصمني مهما صار ووعدني بس ابو طبيع ما يتوب عن طبعه

حبيبتي الله يعينك وفعلا محد حاس فيك اللي تقول اعتبريها فتره نقاهه ومدري ايش او ميه اسبوع اسبوعين وبعدها


تقول لكم انه يقعد ست سبع شهور يا اختي الله يعين قلبك ويجيره يارب ويساعدك انت وصلتي مرحله ياتقولي الله لا يرده وتطلعي من حياته او تختاري انك تتوجهي لله سبحانه وتدعيه وتقري سوره البقره وتحط ايدك بيد رب العباد


واذا يضيقها عليك وقت الزعل او تدخلي احد تقولي يبي يزعل ومو قادر يوقف عن حركاته بس وقت الزعل لايتدخل فيني اطلع وادخل واسهر واسوي كل شي وخليه هو يكبر براسه لين ماينفجر
الله يعينك ويسخره لك




استغفرالله واتوب اليك

والله يا اختي كلامك صحيح وفعلا انا نفسيتي متأزمة من هالوضع اللي صبرت عليه سنين وهو ما يتوقف ابدا ، وفعلا احيانا يضيق علي في الخروج ويضايقني ببعض الاشياء ، ولما قلت لاخوي وقال له رد على اخوي وقال ما دامها زوجتي وتحت امري ما تطلع ولا تعمل اي شي الا بموافقتي