تصوير الطلعات والسفرات 🤳

لانه ببساطه عندها كرامه
ليش تعيش مع زوج يهينها وهيا تقدر تسعد نفسها وتجيب لنفسها كل شي...
عني الحمد لله اصور كل شي وانزل واوثق
الحرمه اللي تخاف من العين ولا تؤمن بقضاء الله هدي انسانه ضعيفه وغلبانه..
وتحسب نفسها محور الكون اللي الكل بيحسدها..

انا الصراحه اصدق هالشي ومو لازم الكل يدري بحياتي ووين رحت ووين جيت

الحديث يقول ﷺ: أيما امرأة سألت الطلاق من غير ما بأس لم ترح رائحة الجنة والمعنى: التحذير من طلب الطلاق من دون علة، أما إذا كان هناك علة لكونه كثير المعاصي والشرور؛ لأنه سكير، لأنه يتهاون بالصلاة في الجماعة أو لا يصلي، أو لأنه يظلمها ويؤذيها بالضرب بغير حق، أو ما أشبه ذلك فهي معذورة تطلب الطلاق، وليس لها البقاء مع من لا يصلي؛ لأن من ترك الصلاة كفر، فعليها أن تمتنع منه وأن تطلب منه الطلاق فإن أبى ترفع الأمر إلى المحكمة فليس لها البقاء مع من لا يصلي.
أما إذا كان يصلي لكن عنده سوء خلق؛ يظلمها ويؤذيها، أو يشرب الخمر، أو عنده شيء من المعاصي الأخرى الظاهرة؛ فلها طلب الطلاق ولها طلب الفسخ من معاشرة هذا الرجل الفاسق الذي ظلمها وآذاها أو تجاهر بالمعاصي التي حرمها الله عليه. نعم.

شكرًا بنات على آرائكم
أنا عجزت اخذ موقف بالنقطة هذه.. مرات أقول عادي ما يصير إلاّ اللي ربي كاتبه.. ومرات الاحظ فعلاً يصير شيء باليوم اللي انزل فيه اي حاجة ما ادري هو صدفة، ولا فعلاً ممكن تكون جت في خاطر احد او شيء.

انا مو مع التصوير الزايد عن الحد
لاني م احب حياتي تكون كتاب مفتوح الكل يجي يقراه ويعلق وينتقد ع الطالعة والنازلة
اختي زوجها م يحب يجلس ف البيت يجي من الدوام ويطلعون ماكانت تصوربس الكل يعرف اهل زوجها سلايفها وحنا قدر الله وحدث مالم يكن بالحسبان
انسجن زوجها ولما طلع خسر وظيفته ونفسيته جدا تغيرت وصار عكس اول ولكن للان عند اللي حواليها انتو م تجلسو في البيت وازيدك من الشعر بيت كانت تاخذ معاها اطفال اهل زوجها بطلب منهم وهي م تقول شي ولما انمسك زوجها ماشفنا احد مر وقال باخذ اولاد اخوي امشيهم
والثانية جارتي حياتها زي حياة المشاهير ماشاء الله تبارك الرحمن
ودايم تصورسناب احداث يومها
خل تغيب يوم لاي سبب ع طول تجيها الرسائل هاه وين طايرة ماتبين احد يدري عنك! وهي كل غيابها ف المستشفى
كذا مرة اسمع ع حياتها تعليقات واقول لها م له داعي تصوري `` اوك كل فترة صورةاو مثلا سفرة بالسنة
تقول لي م احد له عندي شي مشكلتها طيبة جدا ربي يبارك لها