اخواتي خلوني اغازل

مستحيل يكرهونك من الباب لطاقه فيه اسباب اكيد

لاحول ولا قوة الا بالله
ادعي الله في كل وقت وخاصة اوقات استجابة الدعاء وفي السجود ان يألف بين قلوبكم ويصلح حالكم ويهدي اخواتك لك

لا حول ولا قوة الا بالله

ترى مو لازم تنشبين لخواتك وتسولفين معاهم وتطقينها معاهم صحبه
انا امي وابوي اللي جابوني للدنيا ماكانو قريبين مني ابداً وعشت ايام جفاء وتعنيف وبهدله لدرجة انه تمر اسابيع ما يكلموني ولا يدرون عني وماني احسن منك بهذاك الوقت انجرفت مع التيار وكنت راح اضيع لكن رجعت صحيت من غفلتي وجاهدت نفسي وقويت قلبي وتعلمت الدرس وماعاد انتظر شي من أي مخلوق على الارض لا أم ولا أب
ببساطه اصنعي لنفسك عالم خاص فيك
شوفي هواياتك والحاجات اللي تحبينها واجلسي طوريها ونميها
استثمري هذي الطاقه والمشاعر في الانجاز والطموح عشان تكونين محبوبه ومقبوله بعين نفسك
لا تصرفين طاقتك ومشاعرك على خرابيط لا تسمن ولا تغني كلام فاضي يدغدغ مشاعرك شوي ثم يعذبك ويحرقك زود على عذابك وشتتاتك
خذيها من ناس سبقوك اي مشاعر تشحذينها من الخارج سواء اخوات او اصدقاء او اهل او اغراب كلها ماراح تشبعك ولا تحسسك بالاكتفاء لانها مصادر خارجيه فانيه بينما لو كانت المشاعر تستمدينها من الداخل بتقديرك لذاتك وبصلتك مع خالقك راح تكون مشبعه تحسسك بالاكتفاء ومايهمك احد يتصدق عليك بكلمه حلوه او اهتمام
وألتمسي الاعذار لاخواتك ترى فرق العمر له دور كبير في التقارب الفكري والنفسي
وانا متأكده ان اخواتك يحبونك لكن يعتبرونك الصغيره اللي تفكيرها ما يشبههم ولا ينفع يسولفون معاك سواليف الكبار
انتي بس اللي تفسرين تصرفاتهم كراهيه ومركزه عليهم والا غصب تبين تكونين قريبه منهم وتشاركينهم أدق التفاصيل
الحياة ما تمشي بنظام ( لعبوني وإلا اخرب ) كلن بيجي يوم القيامه يقول نفسي نفسي
واخواتك ماخلوك تغازلين على قولك الحقيقه انتي اللي رحتي تبحثين عن المشاعر عند الاغراب وما احط اللوم عليك لكن برضوا لا تحطين اللوم على اخواتك انتي بعمر مراهقه وغلطتي مثل نص المراهقين وخلاص كبرتي صرتي تعرفين الصح والغلط وبيدك تصلحينه

ما شاء الله تبارك الله

دايم اشوف ردودك جميله 👌

شرايك نسوي موضوع مقابله معك😍 ؟
احس شخصيتك ملهمه 🥺👏