🖤التجمع ٣٦ لمواليد مارس& ابريل لـ عام ٢٠٢٢ 🖤

مساء الخير ياحلوات
اخباركم
حاولت انزل الصور ذيك المره بس ماتضبط بحاول مره ثانيه
هذا نفس القطعه وحده شريتها من المحل والثانيه من الموقع

اخر اخباري
جالسه انظم في البيت واحاول اخليه يصلح الخربان قبل اولد
بس احس الوقت مايساعد وبس اسوي شوي اتعب
واغراض وملابس ابي ارميهم وجالسه افرز فيهم لي شهور مأجلتهم بس الحين خلاص لمتى واذا خلصت فرز وتنظيم بجيب عامله تنظف
وبعدها ببتدي اغسل ملابس البيبي واجهز الشنطه عاد متى اخلص الله اعلم


ونكدو علي بقرار الرجوع للمدارس المشكله انهم مو مذاكرين عدل يعني المواد اللي مركزه عليها انا الرياضيات ولغتي والانجليزي لانهم مصيبه لازم تصير متقنتهم اشياء اساسيه
اما باقي المواد ولا افتحها لها 😭😭 شسوي الحين ارجع اذاكر لها المنهج كله حاسب وعلوم واجتماعيات واسلاميات ومدري ايش حتى الفنيه عليه اختبارات


الله لايوفقه كان رجعهم بدايه السنه ليش في نص السنه ضايعين


وغير كذا خايفه تنعدي كورونا وتجيبه لنا وانا مابقى شي واولد 😭 يمه بس والدادا احاتيه

كييوت تتهنى فيها يازين الوردي يفتح النفس

انا طلبت بعد لون سماوي تعليقه واللعبه فيل رمادي 🥺 والثانيه ارنب ابيض

وصراحه ما تنعطى وجه طلبت اشكال تعليقات ٤ للحين 😂 وكل شوي طلعت وحده في وجهي احلى من الثانيه

انا اشتري وحده او ثنتين بس حق الاربعين عشان احط فيها الحليب اللي اشفطه وقت يصير عندي احد ما اعرف ارضع من صدري

اما الماء ما اعطيهم اول الاشهر ممنوع ينعطى البيبي لين تبتدي توكليه لانه يسبب له مشاكل بالمعده الاعشاب والخرابيط

والحمدلله ماعمر جاهم مغص ولا شي لان مايدخل في بطنهم الا الحليب المعده مرتاحه
وبالنسبه المويه الطفل اول الاشهر يكتفي ياخذها من الحليب

المشكله انهم مو مذاكرين عدل طول السنه خرابيط ما في التزام فجأه يلا داومو
لو مخلينها بدايه السنه انا اول وحده كنت ابي يرجعو حضوري بس في نص السنه صعبه
وقت الاختبارات بيتوهقون

وغير كذا الحين المدارس ذا في ذا الطلاب وتو مدرسه اختي في متوسط رجعوهم يوم ورا يوم يدامو بسبب الحالات اللي ازيد

يروحو يخلون ابتدائي يدامون مو معقوله كيف يكفر ذا اللي طلع القرار