اخواتى الفاضلات موضوع جديد لتلقى الاسئلة للدكتورة راندة فخر الدين

دكتوره ... الله يعطيك العافية على هالمجهود وجعله الله في ميزان حسناتك...

أنا موعد ولادتي في 5/1/2007 إن شاء الله ... وعملت سونار يوم 9/12 وقالت لي الدكتورة إن الجنين أكبر من الطبيعي بشوي 3300 جرام .. يمكن بسبب سكر الحمل ... ما عطوني دواء للسكر لكن المفروض أتبع حمية بس ما قدرت استمر عليها... والدكتورة قالت بعطيك طلق صناعي على الأسبوع الجاي لأن البيبي يمكن يكبر أكثر
وأنا طلبت ابرة الظهر لكن الدكتورة ما أيدتني لأنها تشوف إني يمكن ما أحس بالبيبي عند الولادة وممكن ما أدفع الجنين مثل ما هو مطلوب لأنه كبير فتتعسر الولادة ويحولوني قيصري .. مع إن اختي أخذتها ويوم يقولون لها ادفعي تدفع بكل قوتها والحمدلله تمت الولادة طبيعية... إيش رايك دكتورة .. آخذ الأبرة ولا لا؟
وشي ثاني أنا آخذ ابرة clexane 0.8 ml مرة يوميا في كل حمل لي لآن كان معي جلطة في الرجل اليسرى بعد أول ولادة وقال لي استشاري التخدير ممكن يعطوني إبرة الظهر أذا وقفت الابرة قبل الطلق الصناعي بيوم وعملو لي تحليل سيولة الدم.. وطلع كل شي أوكي. .. بغيت رأيك في كلامه وهل ممكن تكون فيه مضاعفات ؟
دكتورة ممكن تشوفين إن ابرة الظهر مالها داعي ... بس أنا والله آخر ولادة كانت عذاب من الطلق الصناعي لدرجة إن هالمرة كنت ناوية على القيصرية .. لكن قلت ليش ما أجرب ابرة الظهر ..
أدري طولت عليك بس محتارة والله ... والله يجزيك ألف خير:26:

دكتوره رانده
وحده من قريباتي عمرها 45 والدوره منقطعه عنها من 9 سنوات بسبب هرمون الحليب وعالجت لكنها ما استمرت على العلاج. ودايمـآ تحس بالم في ثديها اليسار وخايفه يكون مرض خبيث لاسمح الله ومع الالم تقول لما تعصره يطلع حليب لونه غامق يميل للبني والثاني لونه عادي ابيض وهي حابه تتأكد هل هو حليب متجمع وصار لونه كذا مع العلم انها ماحملت من حوالي 10 سنوات

دكتورة كيفك اليوم ؟ انا عندي سؤال
امس راجعت الدكتورة وسويت سونار وكان كل شئ والحمدلله سليم وعلى فكرة انا في 6 اسابيع و4 ايام وعشاني اجهضت قبل كذا فصرفت لي الدكتورة دفاستون حبتين في اليوم لكن امس قالتلي خذي ابر تثبيت مع الدفاستون وهي بريقنيل 5000 وحدة للمدة 3 اسابيع يعني خلال الاسابيع هاذي اخذ كل ثالث يوم ابرة وش رايك دكتورة ؟
والبرقنيل هذا ماهو نفسة الابرة التفجيرية اللي ناخذها بعد المنشطات لاني اذكر اني اخذتها لما وصلت البويضة حجم مناسب عشان تنزل.
سؤالي هل اخذ البر مع الدفاستون ضاروالا عادي استخدمهم الاثنين مثل ماقالت دكتورتي ؟
هل البرقنيل يستخدم ايضا للتثبيت الحمل ولايضر الجنين ؟
تكفين دكتورة ردي علي بسرعة لاني المفروض اخذ الابرة امس بس اخرتها عشان اسئلك
وشكرا على رحابه صدرك .

مرحبا دكتوره نا في نصف الشهر الخامس والحمدلله بس جاني الم في ظهري في الاسفل ماخذه برد يعني مو من الحمل وحطيت كماده دافيه ودهنت بزيت زيتون هل فيه ضرر ؟؟ وايش الممكن اسويه مسموح عشان اريح ظهري ولك جزيل الشكر

اهلاً دكتوره:
انا بحج السنه دي ودورتي تجي موعدها على الحج وقلتي لي اكل حبوب الدفستون بعد 20 يوم من اخر دوره الى اخر يوم في الحج بس في الروشته مكتوب الاعراض الجانبيه نزيف وبعض البنات يقولوا انها تنزل الدوره لو ما فيه حمل ولو فيه حمل تثبته؟هل هذا صحيح؟وكيف اتجنب النزيف؟
سؤال ثاني يا دكتوره لو تكرمتي
انا بأتطعم علشان الحج عن الانفلونزا بس سمعت انها مو زينه ومضره لازم كل سنه اتطعم عنها لو تطعمت عشان ما تضرني هل هذا الكلام صحيح؟
وجزاك الله الف خير يا دكتورتنا الفاضله