ولدي يبي يتزوج مطلقة واكبر منه

عمره ٢٦

انا بصراحة استغربت من البنت كيف تقبل تتزوج بواحد أصغر منها كثير يعني عادة البنات يفكروا مليون مرة قبل ما يرتبطوا بشخص أصغر بسنة او سنتين.. مدري كيف كانت تفكر خصوصا انها إنسانة ناضجة سبق لها الزواج و عندها عيال.. بس ممكن تصير لانه شفت زي هالحالة بس الفرق البنت كانت عازبة و الولد قريبي أصغر منها ب٨ سنوات و كان ميت عليها و فعلا خطبها و تقدم لها لكن ما صار نصيب و اظن السبب من طبعه الصعب لانه كان عصبي غيور الله يهديه و يعوضهم...

الله يكون بعونك والله اي ام مكانك بتعاني نفس معاناتك والله لاهو عيب في المطلقه ولاتقليل منها لكن انه شاب لسه ماسبق له الزواج واصغر منها يتزوجها وكمان عندها كوكش عيال هذا اللي يغبن ايش يمنعه من انه يختار وحده بعمره او اصغر ويبنو حياتهم مع بعض حبه حبه لكن خليه قد اختياره وقراره لاتوافقين على اللي اختارها ولاتخطبين له غيرها خليه يواجه مصيره لوحده ياانه بيجازف ويتزوجها او يرجع له عقله ويعرف انه كان اختيار غبي منه ومالك الا تدعين ربي يصرفها عنه ويرزقها باللي يستر عليها ويكون قريب لعمرها ويرزق ولدك ببنت الحلال اللي تنسيه اياها

لو انه ٣٠ ممكن بس ٢٦ احس بعده صغير و غير ناضج كفاية عشان يكون واثق من قراره.. حاولي تكلميه كذا مرة و تنصحيه بس اهم شي لا تخطبون له أي وحدة ثانية الا بعد ما يترك البنت هذيك عن قناعة و الله يكتب لابنك الخير...

خلاص طالما انه عنده اصرار عليها وهو متوظف وماراح يعتمد عليكم بشي قولوله هذا قرارك وانت مسؤول عنه
وبقولك على شي اخر شي تفكرين فيه الناس طالما بالحلال …
ممكن ياخذ بنت تصغره ب١٠سنوات وتخليه خروف وتجيب كلام عليه يعني الناس ماعليكي فيهم ..
انا يمكن اعتراضي انه بينهم ١١سنه صراحه فرق كبير
لكن ممكن يحبها وتحبه
بس سؤال كيف تعرف عليها وكيف اخلاقها هل قرر يتزوج بس عشان حس بإحساس اللهفه والحب الوقتي يعني ممكن بعد سنه سنتين راح يحس ان قراره غير سليم ويصرف نظر عن الموضوع عشان كذا قوليله يركد هالفتره ويهدى مو اي شي الواحد يتمناه ياخذه على طول لازم يصبر ويستخير ويستشير اهل الحكمه ولاتاخذه الطوشه والحب الوهمي
لازم يصير الشي بينهم صادق ويفكرون بمنطقيه عشان ما يندمون الاثنين
ما ذكرتي كم عمره ؟