ولدي يبي يتزوج مطلقة واكبر منه

ياغاليه الواقع والتجارب والي نعيشه ونشوفه إن الزوجه مهما كانت مهتمه بنفسها وبشبابها إلا أن العمر يبان عليها.. الحملوالإرضاع وبنيتها الجسميه أضعفففف من الرجل.. فتلقين بينهم فرق سنوات لكن كأنهم نفس العمر.
تخيلي عاد زواج الفرق فيه ١١ سنه!؟
ليش الوحده تاخذ واحد أصغر منها بكل هالسنوات(بغضضض النظر عن هذا الموضوع تحديدا)
أما الي ياخذ وحده أصغر منه أو بعمره فهذا الطبيعي.بس بعد مايكون هو بالخمسين وهي بالعشرين!

الموضوع ذا ثغراته كثييييره..
لكن زي ماقلتي هي أرزاق وتوافيق من الله.
مساك سعيد🤍

هو صحيح يفترض حتى البنت الصغيرة مايعطونها كبير بالسن 😅
بس بعد هذي امور مالنا يد فيها لا من اول ولا الحين
هذي الامور تعتمد على الاشخاص نفسهم
احنا مجرد نعطي راي

اختياره وخليه يتحمل نتيجة اختياره سوا توفق معها او فشل. او كانت مسيطره عليه او لا


اذا شفتيه مصر خليه ترا كل مارفضتي بيعاند لذلك قولي خلاص انا امك نصحتك وانت. حر وهذا اختيارك وريحي راسك. شقيتي وهو صغير خليه لاكبر يتحمل نتيجة اختياراته. ترا حنا ماعندنا الحل اللي بيريحك ولا انتي بترتاحين ادعيله والله يكتبله الخيره.
الله يكتبله الصالح من امره

وهل كل الناس يتزوجون مثل هذا الزواج ؟
هي حالات خاصه لها حكمتها وهدفها من رب العالمين اللي لا تخضع لا لمنطقنا ولا مستوى تفكيرنا ولا احكامنا الشخصيه المجتمعيه وتصنيفاتنا للامور
ومافي شي اسمه البنت تكبر ويبان عليها العمر قبل الرجال هذي كلها اكاذيب وبرمجات وتصورات مغلوطه الناس اخترعوها وصدقوها
وبالنهايه مثل هذي الامور الزواج وغيره قرارات شخصيه لكل فرد هو يختار الانسب له ويخوض تجربته بنفسه لا كلامي ولا كلام أي مخلوق ثاني على هذا الكوكب راح يلغي وجود مثل هذي الزواجات
ومثل ما قلت في البدايه لو الموضوع خطوبه تقليديه هذي فيها سعه الوحده والواحد يقدرون يفكرون ويشاورون ويرفضون بكل بساطه لعدة اعتبارات منها عدم توافق العمر والحاله الاجتماعيه ، اما مسألة حاله خاصه فيها حب يعني ثقي تمام الثقه ماوصلوا لنقطة الزواج الا خلاص الامور مطبوخه من زمان واستوت يعني ماجات من فراغ بيوم وليله
ومحد يدري وقت الجد وش يصير يمكن الرفض يجي من طرف البنت واهلها وتتغير الامور

الله يسعد مسائك وصباحك وكل اوقاتك بالخير والرضا ❤️🤍

فعلاً في اشياء خارجه عن ارادتنا ورب العالمين له حكمته فيها
يا كثر ما تحلطمنا واستقعدنا واستنكرنا زواج الصغيرات من شيبان لكن قله منا اللي يلتمسون الاعذار ويتقبلون الفكره بدون جدل لاننا خلاص تبرمجنا على اشياء معينه نشوفها هي الصح ونلاقي لانفسنا مليون عذر يدعم رأينا وبالنهايه لا احنا اللي بنتزوج ولا نعيش حياتهم