❄️🥳التبآشير الـ 9️⃣ لموآليد يناير و فبراير 2022 ❄️🥳

ماشاءالله الف مبروووك للي ولدو والحمدلله على سلامتكم ❤💃


ورود وزهره ياقلبي اخييييرا مابغت تطلع البنوته الحمدلله على الفرج ❤❤😍

امس صحيت الصبح معاي طلق ودم خفيف شوي الا اشوف شي طلع مني بنات شي يخوووف اول مره اشوفه زي الكوره غريبه وفيها زي خيوط جلد ملفوفه عليها كأنها مربوطه واستغربت قلت يمكن هذي السداده مع اني اعرف السداده وهذي كبييره وكلها عضلات وجلد واضح مو سداده بس مدري وش لقفني وخلاني احاول اسحبها لانها طالعه برا خلاص بس بطلعها اشوف ايش هي لما سحبتها عورتني وخفت وخليها طالعه برا وبالقوه امشي مقدر اسكر رجليني عليها وطيران للمستوصف اللي جنب بيتي لما كشفت علي قالت يابنتي هذا المهبل طلع 😭 انفجعت صرت ارجف دون مااحس حاولت تدخله وكشفت قالت الرحم فاتح ٣ سم و عق الرحم لين مررره يادوب تلحقين على مستشفى الولاده واطلع بسرعه وانزل عيالي عند خواتي ونروح لمستشفى الولاده وصلناه فالليل متأخر عشان زحمة الرياض دخلنا مدينة الملك فهد طلع المهبل مره ثانيه و رجعوه مكانه وكشفو ع الرحم قالت لسى ٢ سم والعنق قاسي ماراح نستعجل عليك بنحولك لمستشفى اليمامه قسم التنويم عندهم اكبر وافضل طلعت لمستشفى اليمامه الساعه ٢ بالليل ولما دخلت يابنات يروووع وسخ مررررره والحريم يدخلون يصارخون ياعمري بس محد يهتم لهم يقولون اجلسو عند المدخل لما نناديكم بالارقام وحده سقطت قدامي وهي حملها متقدم بطنها كبير واضح واصله ياعمري تصارخ والحارسه تطلع عند باب المدخل فالشارع تصارخ بصوتها تقول وين زوج فلانه قال انا ليه فلانه فيها شي قالت بكل برود لا بس الولد مات مسكين انفجع قال كيف قالت يعني سقطت وتعطيه ظهرها وتمشي فجعت المسكين وهو واقف مكانه من الصدمه يناظر فالناس مو مستوعب انا لما شفت اسلوبها كذا جاني خوف غير طبيعي اووول مره اخاف كذا واحاول اتحمل شوي تجي وحده عندها عمليات سابقه جاها طلق وهي حامل وانفتحت عمليتها وتصاارخ من الالم مسكينه قالو اجلسي لما يجي دورك قهرووووني كان ودي اقوم واضم كل وحده تتألم واهديها لما يجي دورها 😭😭😭


نسيييت نفسي مره وطارت كل الاوجاع اللي فيني صرت ارجف خوف واتمنى اطلع من هالمستشفى بأسرع وقت ماعاد ابي اولد خلاص المهم نادو على اسمي ودخلت كشفت الدكتوره قالت لسى عنق الرحم مافتح مره قلت الله يبشرك بالخير قالت بسوي لك تخطيط طلق قلت لا مايحتاج خلاص بطلع قالت على مسؤوليتك قلت ايه و وقعت وطلعت قبل الفجر الحمدلله تووووبه ارجع لهالمستشفى الزفت مجزره مو مستشفى الله يعظم اجر اللي يولدون فيه 💔🥺


وبس والله هذا كل اللي صار لي امس احس خلاص ماعاد ابي اولد ولا شي بعد اللي شفته ببقى كذا مرتاحه الحمدلله🚶‍♀️

الف الحمدلله ع سلامتكم وتتربى العرايس بعزكم ان شالله 😍

يااحياتي من يلومك والله لو تخافي وتنفجعي
طيب ليش ماتروحي لمستشفى ثاني
الله يفرجها عليك
كثري من لاحول ولاقوة إلا بالله

لا خلاص كرهت المستشفيات بجلس ببيتي لما تنزل المويه غيره من اعراض بتحملها 🥺