شاركي في النقاش

سجلي الدخول لإضافة تعليق.

التعليقات

97
  1. @tsoooahn

    الله يكــون بعــونك ويفـرج كــربتك ياأخــتي
    حـاسه فيـك وبمشكلتك بالنسبـه اول شي مثـل ماذكـرو البـنات حـاول تغيرين نـمط حيـاتك يمكن الرجـال حاس بمــلل؟؟ اول نصيحـه انصحـها لك أدعــي الله بكل سجودك إن الله يسخر لك زوجك ومايشوف غيرك ويجعل حياتكم مستقـره في دعـاء وغيره رددي وكثري من قول لا حول ولا قوة الا بالله العلي العظيم وانا لله وإنا اليه راجعـون وادعي من قلب مو شرط لازم دعاء معين بس ادعي باللي حابه إنه يصير ولله ماراح يردك خائبه بس استمري على الدعاء والإستغفار.. تقولين يسهر برا استغلي هالوقت وادعي بتضرع وخشوع واكيد لما يرجع ويشوفك على هالحاله يمكن الله يغير بنفسه شوي ويغير مزاجه ثانيآ:
    بالنسبه للنمط حياتكم
    شوفي شنو الاشياء اللي بأول زواجكم كان يحبها وكان يتكلم عنها زوجك وسويها بأي شي سواء طبخ ولا لبس او كلام يحب يسمعه
    عشرة عمر اربع سنين اكيد تعرفين اللي يحبه واللي يضايقه وترى الاطفال لهم دور اعتقد حاولي تكسبينه وحاولي ماتسألينه شفيك او ليش متغير علي ترى الرجال يمل من هالكلمه .. انتي عندك مهله شهرين وبينكم اطفال يعني حرام تخسرينه دام عطاك مهله يعتبرها لك قرصه يمكن عشان حاس بنقص معين بشي ماادري شنو بسسس عندك شهرين حاولي قد ماتقدرين تكسبينه..
    من ناحية النظافه لايدخل البيت الا يشوفه مرتب وريحته حلوه غرفة النوم نفس الشي ووووالاهم لاجا يبي ينام وفري له الراحه تقولين مايقرب لك؟؟ انتي بيدك تخلينه من غير ماتقولين تخلينه ينجذب لك بطريقة لبسك وقت النوم ريحتك خففي وزنك اذا انتي حابه تكسبين رجالك سوي المستحيل عشان هو انتقدك قبل على وزنك مع انه مناسب لطولك بس هو يبيك تنزلين سوي برنامـج من ناحية المظـهر الخـارجي : البشره والجسم والشعر
    - داومي على قناع معين لبشرتك ولجسمك وتلقين اللي يناسبك بالمنتدى ماقصرو البنات
    - الشعر طوليه وفي منتج ياباني اسمه ( كامينو موتو) يطول الشعر يعني شبر كل شهر ومو مضر البنات قالو عنه بالمنتدى اشتريه وجربي
    - بالنسبه لشي استحي اقوله بما اني بنت بس اسمع من خواتي وتجاربهم راجعي دكتور نساء شوفي وتأكدي ان مافيك شي يخلي زوجك ينفر منك يمكن انتي فاهمتني من ناحية ضيق هذيك المنطقه ماادري شلون اوضح بس هذي نقطه مهمه ولاااااااااااااااااااااازم اهم شي هذي النقطه واهتمي بنظافة هذي المنطقه هذا اللي عندي بالنسبه للمظهر الخارجي واذا تذكرت شي بقوله لك

    بالنسبه شلون تكسبينه وتخلينه يرجع مثل اول
    - بيني له خوفك عليه مثلا لما يطلع من البيت دزي له مسج قولي مثلا( حبيبي لاتنسى دعاء ركوب السياره ) واذا تدرين انه مايعرفه ارسلي له هالدعاء ..

    -اذا رجع من الدوام سنعي نفسك وتعطري وغدي عيالك قبلـه عشان ماتصير فوضى وازعاج وقت
    الغدا ..
    - خصصي يوم طبعا بعد اذنه ويوم يكون هو فيه فاضي ورايق قولي له حابه نطلع انا وياك نتمشى وعازمتك على حسابي من غير الاطفال..<-- جاحده الاطفال خخخ
    - اخر شي ابعدي عن الانفعال ولاتكشرين بوجهه وخلي معاملتك له ممتازه ..

    وإن شاءالله يرجع لك مثل اول واحسن وتجين تبشرينا بالخير وياااااااااارب يتراجع عن قراره ويصير مايشوف الا انتي ويارب يهنيك ويسعدك ويريح بالك بس اصبري وتحملي والله يكون معااك

    واي شي تبينه انا حاضره..

    أختك تســووواهن
  2. صاحبة الموضوع
    آه ياقلبي والله أنا من أمس ماطاح فبطني غير الماي وبنتي مسخنه ومزكمه والحاله تعيسه.. أنا بسوي كل اللي قلتوا عليه وأمس كتبت له رساله وأبيات من قلبي.. ولحين مارد عليها؟؟
    والمشكله إني ماقدر أتصرف كن ولاشي صار دوم أتذكر كلمته.. ولالما كنت أبكي ويقولي عن الحركات يخليني غصب أزعل لما أشوفه موبودي مع أني قبل لاصلي الفجر اليوم بسته على جبينه وصليت .. بس مادري...
  3. ليه يادنيا؟؟
    إنا بنظافتي ونظافة البيت الحمدلله مهتمه بس أنا جتني فترة وسمنت وهو يقولي تمرني وضعفي وأنا أبتدي ولاأقدر أكمل ووزني الآن 75 وهو مب عاجبه ودايما يلمح بس ترى أنا طوويله 72 طولي بس أدري إن جسمي مب عاجبه شعري كان يتساقط بشكل رهيب فضطريت أقصه.. …
    والله يا حبيبتي انك قهرتيني .............

    ليكون حبيبتي صايبتكم عين <<< شوفي حبيبتي اقرأي سورة البقرة كل 3 ايام في بيتك عشان تطرد الشيطان وكمان المعوذتين وسورة الصمد واذكار الصباح والمساء <<< يوميا ضروري ........

    وعليك بالاستغفار << على فكرة مفعوله عجيب سبحان الله ,,كتري اختي من الاستغفار ...............

    واكيد اكيد الدعاء وكوني لحوحة بالدعاء يا عمري في سجودك ,,بين الاذان والاقامة ,,,في الليل ,,,

    واختي روحي مركز رياضة <<< بتنحفي وبتشدي جسمك ,,,الرجيم لحاله ما بينفع ....


    وبالنسبة لما تيجيه بدك اياه ويرفض <<< استخدمي اسلوب المرأة (((والله اتقل رجل الا يوقع بين ايديك ))) مالنا حبيبتي فكري فيها منيح الله يرضى عليك ,,,انا اكتر من هيك ما بقدر اوضح ..............

    الله يوفقك يا رب

تابعي تجارب أخرى من هذا القسم.