التجمع الثامن و الثلاثون (٣٨ ) لمواليد مارس و ابريل " 2022" 🌠🤍

مو بس قربع الا قربع وقرقع

ياعمري ربي يرزقك سهالات هالمرة بعد رشووقة يارب😘😘

ياعمري كيكة الف سلامة عليكي 💖

يالله الوصف بس مؤلم رشووقة ربي يآجرك ع كل لحظة تعب وألم ويقر عينك بذريتك يارب قولي آمين

بقولكم ولادتي ببنتي
طبعا خلصت التاسع وماعندي ولاده
ومافيه شي ماشربته ولا اكلته
اناناس على رطب على يانسون على حليب بالزعفران
والله سبحان الله منجد ماتجيك الولاده الا بوقتها
كنت كل ايام التاسع امشي وقرفصاء
بعد مافات موعد ولادتي بيومين
كانت بطني طول الوقت متحجره ولما امشي تذبحني زي الحجر
هنا عرفت انه خلاص قربت ولادتي ماقدرت اكمل مشي من التحجر رحت اشتريت عصير اناناس ورجعت البيت
كان الوقت اخر الليل كذا والله يكرمكم يصيبني مغص خفيف وبطني ماشيه ماحسبتها ولاده حسبت من عصير الاناناس
رحت تروشت بمويا دافيه ودهنت ظهري بزيت ونمت ولا صحيت الفجر على المويا انفكت بالبيت والسرير والارض كلها مويا كل مااتحرك تصب مني 😭😭
طبعا بدون الم حتى سيارة زوجي حستها نزلت للمستشفى وهي كلها مويا
رحت هناك قالو الرحم فاتح نص سانتي والطلق بارد انصدمت مادري ايش اسوي ومااقدر اقوم امشي من موية البيبي كتبو لي تنويم وجتني اختي الله يسعدها الظهر وجابتلي قرفه بالحليب شربتها والطلق بدا معي للعصر الام مره مااقدر اتنفس جت الدكتوره العصر تقيس قالت ٢سانتي لسى انتي مطوله طبعا معروفين الحكومين كيف جدا مهملين يخلونك لحالك وانتي تدبرين نفسك اتصلت على زوجي قلت ظول النهار الرحم مافتح. الا ٢سم. روح لاقرب عطار جيبلي حلتيته
وراح ابو الشباب مااقصر جابلي عصير اناناس 😂😂 وحلتيته
عاد يوم شفت العصير وتقلب علي بطني اقول لاختي ارميه ماابغى اشوفه 🤣🤣
وشميت الحلتيته وتزيد الطلوق معي والامها سارت مره حاره
جت الدكتورةالمغرب قاست الرحم انصدمت قالت ٥سم ايش شربتي طبعا ماقلتلها عشان ماتسويلنا سالفه
وساعه كذا الا يزيد الالم حلست اصيح خلاص احس بالدفع مااقدر اتحمل ولما جت قاست قالت فاتح ٧ سم يلا ولاده
ياربي احلى شعور والله حسيت خلاص قرب الفرج
والحمدلله ماطولت بالدفع او مااتذكر التفاصيل من الالم على ساعة ٩ العشاء شرفت اميرتي
صراحه الحلتيته مع الكل مايمدحها حتى بالمستشفى لو شافوها معك يرمونها
لكن بعد الله ساعدتني سرعت الطلق والرحم فتح بعد ماشميتها
ماكانو يتوقعون عندي ولاده الا بكرا الطلق بارد والرحم مافتح الا ٢سم