🌺التجمع 213 للحقن المجهري وأطفال الأنابيب🌺

السلام عليكم…يعطيكم العافية بنات والله يحقق لكم كل ماتتمنوه
ان شاءالله ع الشهر الجاي مقبلة على عملية اطفال الانابيب ولاول مره دعواتكم..ومع هالدورة الدكتور كتب لي حبوب لمدة 21 يوم…وهو حبوب منع الحمل! وقال ارجع له بعد اسبوعين تقريباً قبل نزول الدورة
كيف ماني فاهمة ممكن حد يوضح لي …احس ضايعة

العفو يا قلبي.. طمنيني شخبار التنشيط وياج..

انا بدأت تنشيط من امس عطتني ابر جونال اف.. والدكتوره شافت عندي كيس مائي بس قالت بما ان الهرمونات ما تأثرت قالت نبدأ تنشيط والكيس تسحبه وقت سحب البويضات والله يسهل..

الامور سهالات حبيبتي وان شاء الله ما تضيعين بهالتجمع

الان هو عطاك حبوب منع الحمل لسببين الاول تتنظم الدوره بحيث يكون عارف متى راح تنزل عشان يبدأ معك

والسبب الثاني عشان فيه دراسه تقول انه اذا منع التبويض تماما قبل عملية الحقن بشهر تعطي نتائج افضل

كأنها تصفر العداد عشان يكون المبيض مستعد للتنشيط واستقبال الادويه شهر الحقن المجهري


اللي عليك الان الان ان تسوينه ومهم وضروي

تسوين تحليل فيتامين دال عشان تاخذينه اذا ناقص لأنه مهم لجودة البويضات

وكذلك تحليل فيتامين ب ١٢ عشان اذا ناقص تاخذين حبوبه من قبل ما تبدأين


اضافة الى حبوب الفوليك اسد لازم حبه كل يوم

ابتداء من اليوم سوي تحاليلك وانتبهي لصحتك وتغذيتك

الله يعوضج كل خير يارب.. حاسه فيج لاني عشت تجربة الإجهاض بعد الانابيب مرتين ورا بعض الله يعوضنا جميعا يارب

بس غلط تكتمين الحزن لان هذا ما بيساعدج بالعكس.. عيشي حزنج وابكي حتى تقللي وقت التعافي وتستجمعين نفسج من جديد

العفو يا عسل