كم مريول تحتاجه بنتك؟

سؤال كم تشترو مريول لبنتك؟
انا احس الابتدائي على الاقل ٣-٤ مراييل
لان تعرفون يتحركون و يجلسون في اي مكان ويوصخون انفسهم بالاكل
والزي المدرسي المسموح بمدرسة اختي نفس ذا التصميم بالصورة

واحب تصاميم المريول اللي زي كذا 😍
ينفع للحر بالصيف خفيف و بالبرد تقدر تلبس تحت القميص بدون ما يضيق حركتها
وتصميم ذا ينفع طالبات الابتدائي المتوسط الثانوي 👌🏻



38 تعليق 7,226 مشاهدة

شاركي في النقاش

سجلي الدخول لإضافة تعليق.

التعليقات

38
  1. @lth_5

    إشتريت لكل وحدة منهم
    شنطتين سحْب(كفرات)..
    ولانش بوكس
    وقوارير مووية
    ثم إكتشفت
    إن الشنط أصلاً فيها
    لانش بوكس
    و قارورة مووية 😫..


    والمراييل أخذت مبدئياً
    لكل وحدة منهم
    واحد فقط
    لين أشوف وضعهم
    وأتطمن عليهم
    الحمدلله ماإحنا
    فـِ حرب الأسواق ملياانة
    والبضايع متكدسة
    عَ قلوبهم..
    والشوزات أخذت ٢
    لكل وحدة منهم
    بدون حبااال..


    اليوم بروح أجيب لهم
    بجايم بيضااء
    داخلية
    عن البرد..
    يلبسوهاا تحت
    المريول..
  2. @am_soso_37

    ذكرتوني في ما مضى
    كنت اتفنن بمراييلي مديلات وكسرات شكل
    ولازم اخذ معي مطاره مقسومه حار بارد مادري وش كنت احس به
    المهم اني كنت بقمة الوناسه بالمطاره
  3. @hms_252

    مااشترينا شي لسا الاسبوع الاول غياب الين نشوف الوضع
    وليش ٣ او ٤ انا اشوف ٢ كفايه
    ومااحب هذا الموديل للابتدائي ابو بلوزة بيضاء احسه ينفع اكثر للمتوسط والثانوي
    احب للابتدائي الموديل الكويتي اللي يجي قطعة وحده والكم حقه مقلم كيوت ومايبان فيه الوسخ من ماصات المدارس

تابعي تجارب أخرى من هذا القسم.