🎀😍التجمع الرابع لتؤام2021 و2022😍🎀

هلابك ياعمري
انا اخذت الجهاز من الادوات الطبيه محلات خاصه للادوات الطبيه ورخيص ٥٦٠
وعند صيدلية النهدي ٨٩٠
وعند المواقع ١١٨٠
يعني الفرق دبل

ريما كيف القيصري معك تمارسين حياتك طبيعي !! ولافي صعوووبه
ولدتي في حكومي واذا ايووه هل يسمحون زوجك يزورك؟

انا ماكتبت لكم اكشني يوم ولادتي
انا قبلها بيوم سئلت هينا بالبشارات عن الافرازات وقلت لكم تنزل من افرازات الله يكرمكم نزلت بليل يوم قالو البنات عادي طبيعي من الحمل لازم تشوفين مويه وكثير تنكب قلت طبيعي ونمت وقعدت الظهر حسيت شي دافي نزل مني نفس الافرازات بس وشوي اكثر طنشت جاء العصر على الساعه ٣ الا حسيتها كثيره ويوم مسحت لقيت زي الكدره وشوي الا نقط دم نزلت هينا قعدت ارجف من الخوف وقلت لزوجي وركض على المستشفى يوم جيت للطوارئ فحصوني قالو اثنين صانتي
على طول ودوني غرفة الملاحضة طولت فيها ومعي طلق خفيف. المهم شوي فحصوني قالو ثلاثة سانتي وبدا نبضات قلبي تزيد وترتفع ويجون كل الدكاتره والدكتورات يتحمعون في الغرفه وانا مادري وش السالفه جاء دكتور العناية المركزه يتابع نبضي ومعه فلبيني اخذ من ايدي بابره مره صغيره دم
المهم قالو انتي عندك مشاكل بقلبك قلت لا قال ليه طيب نبضاتك مرتفعه انتي خايفه قلت ايه شوي قال ارتاحي حاولي تهدين نفسك المهم كل شوي يروح ويجي عطوني ابر ياكثر مدري وشو وغير التحاليل كل شوي يسحبون من دمي خلصو دمي
المهم شوي جت الدكتوره تفخصني لقت مفتوح خمسه سانتي
وهينا بداء يجيني طلق بظهري وبطني وحاطين لي التخطيط
من بعد مافحصتني بساعه خلاص احس اني بدفع قلت للنيرس بدفع قالت نو بوش نو بوش
وتروح تركض تنادي الدكتوره والممرضات ويجون ياخذوني على غرفة العمليات هينا يبنات توكلت على ربي واستسلمت ماعاد فيني حيل خلاص ساكته سوو عمليتي وانا ادعي واستغفر واقراء قران عشان مانتبه لهم ولا للاصوات ولا حتى اشوف وانتبه لشي اناظر للغطى الي قدامي وادعي لين ولدت وجبت بناتي وعلى طول اخذوهم ولا شفتهم الا يوم قدرت امشي رحت اشوفهم بالعنايه والحمدلله على كل حال يارب 🌹🌹 هاذا اكشني ترى غرفة الولاده ماتخوف صدق هم اصلن يحاولون يشتتونك ويسولفون معك


ان شاء الله ربي يتمم لكم على خير وتولدون بسلامة وتشوفون بيبياتكم وتحضنونهم وهم باتم صحه وعافيه 🌹🌹

هلا حبيبتي
والله انا اول مره اسوي قيصري فا جديد علي بس ثلاث الايام الاولى تتعبين بعدين عاد كل يوم تحسين نفسك احسن وامشي ترى المشي زين للعمليه انا بس الحين لبس السروال 🙈😁 هو الي يتعبني ولا عادي الجلسه والمشي طبيعي انا بحكومي ولدت ولا فيه مرافق ولا زوجك يزورك مرره مشددين. بس كانو حاطين لي ممرضه تعتني فيني من اول يوم هم يتغيرون بس مره فلبينيه ومره هنديه والله حتى الفوطه يغيرونها لك وتدخلك الحمام وتجلسك وتقومك عرفتي يعني سراحه عنايتهم حلوه وكل شوي تجي تشوفني والحمدلله يارب

السلام عليكم انا جديدة معاكم على التجمع حامل بتوأم في الاسبوع 11 و تاريخ الولادة المتوقع 6 اوت