🌺التجمع 213 للحقن المجهري وأطفال الأنابيب🌺

ابغى افضفض واتخلص من القلق
قراءات هرمون الحمل عندي مدري كيف .. في اول تحليلين كانت تتضاعف بعدين صار الهرمون يرتفع بس مو الضعف
ومدري اش الوضع .. لسا موعدي مع الدكتورة باقي له اسبوعين
اوقات اقول لمتى نستمر عالادوية والمثبتات واحنا وضعنا كذا
النفسية صارت دمار
هذا غير توتر كورونا

سمله عليج حبيبتي ماعليج شر ان شاءالله تطمني كل شي بيكون اوكي بعد اسبوعين

انا اجهضت بدري بالاسبوع السابع عشان كذا ما احتجت تنظيف

بنات باخذ رايكم
بنات الاجهاض تقريبا صار قبل 10 ايام
المهم اليوم اللي صار فيه الاجهاض وسوت لي الاشعه بعد مارجعت البيت دقت علي الدكتوره قالت تعالي بكره نعيد لك تحليل الحمل نتأكد << يخافون خارج الرحم او شيء لان قبلها بيومين كنت مسوين تحليل وكان مرتفع الهرمون
المهم على اساس اروح اليوم الثاني وصرت مخالطه قلت ماراح اروح الين اتأكد من مسحتي وصرت مصابه ومارحت كلمت الدكتوره قلت ما اقدر انا مصابه سألتني اذا عندي اعراض نزيف حاد الم او اي شيء قلت لا الحمدلله والدم بدا يخف
قالت خلاص ان شاءالله امورك تكون تمام
الحين خلصت فترة الحجر وعدت المسحه وسلبيه الحمدلله وش رايكم اروح ولا خلاص ماله داعي
الدم الحمدلله وقف بس احيانا الم منطقة الحوض والرحم ومو قويه

نصيييييحة نصييييحة اول اسبوع خليك منسدحه لا تجلسين ابداً حتى وقت الاكل لا تجلسين جلوس باستقامه. اول ٧ ايام هي اهم شي لان انغراس الاجنه في اليوم الخامس والسادس. ألحي بالدعاء وسورة البقرة اقرئيها يومي. لما تنامين على جنبك اليمين او اليسار شوي شوي وانتي تلفين. وانتي منسدحه حطي مخده تحت رجولك بعض الاحيان. لاتتروشين الا بعد اسبوع. خلك محتاطه في كل شي. لا تشتغلين ابداً ابداً ابداً