فتق الحجاب الحاجز للجنين

السلام عليكم ورحمة الله وبركاتة
انا حامل بالشهر الرابع سويت اشعه تفصيليه واكتشفوا ان الجنين عنده فتق بالحجاب الحاجز والأمعاء طالعه فوق ..
اللي مايعرف الحجاب الحاجز / هو عضله تفصل بين اعضاء البطن واعضاء الصدر ..
مشكلة جنيني عنده فتحه بالعضله اللي هو الحجاب الحاجز ، والأمعاء داخله من الفتحه وضاغطه ع الرئه ..
كلام الأطباء أن الامعاء تضغط على الرئه وماراح تنمو زين وممكن بعد الولاده ماراح يعيش وممكن نسوي عمليه نغلق الفتحه ويعيش والله اعلم ، لكن بما اننا اكتشفناه بدري مو شي كويس ..
قالوا بما اننا اكتشفناه بدري اذا تبغين نعطي الجنين ابره توقف النبض وتنهين الحمل او تبينه يكمل هذا راجع لك ،
وقدامك اسبوعين قرري فيها 💔

عموماً الاطباء ماعندهم كلمه مضمونه ، لأنها كلها امور غيبيه مايعلمها الا الله ..


انا ابي اي وحده عندها معلومه او شافت تجارب او عاشت نفس مشكلتي تكتب هنا
الفتق كبير او بسيط؟
متى اكتشفوا الفتق في اي شهر من الحمل ؟
متى عملوا العمليه بعد الولاده مباشره او بعد كم يوم ؟
هل الطفل بعد العمليه عاش طبيعي وصحته كويسه؟
والله يعطيكم العافيه مقدماً
ولاتنسوني من دعواتكم 🥺♥️