الي متزوج عليها زوجها

بردي على قلبك ياقلبي
والله حاسه بشعورك ومجربته بس انا زوجي خطب وملك وانا مالي غير سنتين معه ترجيته انه مايتزوج علي وبكيت وعشت اسوء ايام حياتي في هم وغم مايعلمه الاربي
لدرجة سلفاتي يعطوني نصايح واهتمي فيه ويرسلون لي مقاطع على اساس انه التقصير مني وكل سلفاتي كانت نظرتهم ان اللي زوجها يتزوج عليها فيها نقص
يعني مايكفي همي اللي انا فيه زادوني هم
والتجأت لله وكنت كل يوم ادعي ادعي من قلب واتحرى اوقات الاجابه
واكتئبت واعتزلت المجتمع
فتره وارتحت الحمدلله وارتاحت نفسي مع الله
لدرجة حالياً كل مااتذكر الموضوع احزن على نفسي وبعد سنه طلقها وماعاد فكر بالزواج ليومك هذا
ولو فكر حالياً بالزواج ماراح ازعل مثل قبل لا راح احكم عقلي وانتبه لنفسي وصحتي وولدي واشغل نفسي عنه لانه محد يستاهل اعيش ف عذاب نفسي عشانه
حبيبتي الجأي لله يربط على قلبك ويصبرك وتقربي منه وراح ترتاحي

ليش طلقها ؟

الله يرزقك راحة البال والسعاده
وجعله مايشوف غيرك يارب الله يسخره لك

هلا حبيبتي شفت رسالتك ف الخاص وماقدرت ارد عليك لاني جديده وغير مسموح لي بالرد خاص
اللهم امين لكلدعواتك ولك بالمثل ياقلبي
زوجي كان ماخذ بنت وماتزوج كان بس مملك وطلق قبل الزواج باسبوعين
حطي ف بالك ياقلبي اذا ربي كاتب شي بيصير
ليش نتعب ونشيل هم ونأذي انفسنا وربي مايكتب للانسان الا الخير
والله مااستفدت من الفتره ذيك الا قربي من الله
والا الباقي كله هم وحزن وضيق ووالله اني كل مااتذكر انقد على نفسي بس الحمدلله
نصيحتي لك ياقلبي
فوضي امرك لله والجأي له بالدعاء وتحري اوقات الاجابه وتأكدي مهما صار فهو خير لك حتى وان تزوج فزواجه فيه خير لك
واشغلي نفسك ف عبادتك واولادك وحياتك
واسأل الله العظيم ان يسعدك ويربط على قلبك ويسخرلك زوجك ويجعلك قرة عين له ويجعله مايشوف غيرك في حياته

الله يسخره لك ياحي ياقيوم ويرده لك ردا جميلا
والحمدلله على ماكتب ربي