🌺التجمع 213 للحقن المجهري وأطفال الأنابيب🌺

الله يعطيك حتى رضي.
بإذن الله يتم حملك على خير،
فاهمه شعورك لما تمري بتجربه تريدي حد جنبك تحكيله كل التفاصيل ،
لا تفكري وتحاتي النفسيه لها دور والزمي الاستغفار .

شموع شكلنا متقاربين بكون فموعد الارجاع الله يبشرنا بما يسرنا.

بنات ادعولي. العمليات السابقه ما كان يبقى لليوم الخامس الا جنين او جنينين ولا اجمد شي.
عسى الله يجبر خاطري هالمره وارجع واجمد ويثبت اجنتي.
بعد الارجاع في شي التزم فيه من ناحية الاكل والحركة والصلاه ؟؟ ابغى اسمع تجاربكم اذا ممكن

الم الدوره طبيعي بيجيك تقلصات

انا اليوم ٣ يوم ترجيع اجنه .. دايما منسدحه على السرير اقوم للحمام وانتوا بكرامه وارجع .. من ثاني يوم قعدت امشي شوي في البيت مشي خفيف عشان الدوره الدمويه وعشان الدم يوصل للرحم .. دايما البسي دلاغات دفي رجولج .. الاكل صحي مافي مطاعم .. انا اشرب كل يوم ٣ اكواب حليب مع نشا يقولون زين للتثبيت .. اتريق بيض مسلوق مع خيار .. الغداء صحن كبير سلطه .. العشا بروتين لحم او دجاج مع روب بالخيار .. استمري على الفوليك اسيد والمثبتات على الوقت .. هذا اللي قريته واقتنعت فيه وقاعده اطبقه .. الله لا يضيع لنا تعب يا رب 🥺
الصلاه اصلي قاعده .. كثري قرآن واستغفار وادعي والله يرزقج يارب بالذرية الصالحة