التجمع 2️⃣3️⃣ لمواليد مايو 5 - يونيو 6 / 2022

نبي نجتمع بنات و نقول قصص ولادتنا 😅❤️ نبي تفاعل ❤️❤️
و نستفيد من خبرات بعض
انا بس ولادة ووحده و ذا ثاني حمل و ناسيه كل شي 😩 بس الله يسهل يارب :(

صباح الخير يامامات ❤️⛅️
مبروك علينا هالتجمع الجديد و تسلم اناملك ريما 🤩


انا آخر اخباري هالايام طايحه وبس دوام ونوم واكل ☹️ مدري هو البرد ولا التهرب من شعور الغربة القاتل 😔💔
وبالنسبة لحركة النونو صرت احس فيها كل يومين تقريبا تسلم علي حبيبة ماما وانا بمنتصف الاسبوع ٢١ 💖💖
ربي يتمم لنا على خير وعافية يارب 💓💓

فكرة حلوة وجميلة وانا اول من يبدي فيها شكلها ننشط التجمع ❤️‍🔥😂

أنا طبعاً ماعندي الا ولد واحد ربي يحميه ويحفظه عمره ٣ سنوات ونص وهذا ثاني حمل لي 🤍🤍

حملي كان مستقر وطبيعي الحمدلله عدا السكر هو للي كان مازمني وتقريباً من منتصف الشهر السادس بديت اخذ انسولين .. وبسبب هالشي كانو مقررين انو ماعدي ٣٨ اسبوع من الحمل ان ولدت قبل خير وبركة او يعطوني طلق صناعي ❤️‍🔥
وفعلا لما انتصفت بالاسبوع ٣٨ ماكان عندي طاري ولاده ورحت موعد وفحصت الدكتوره وحصلت مفتوح الرحم فقط ١ سم وعلى طريقها حرضت لي 💔😵‍💫
بعد التحريض بيومين تقريبا بدتني الطلوق الالام بالظهر واستفراغ شي مهو طبيعي " من ناحية الكمية ماقد شفت زيه بحياتي " وماكنت ادري طبعا ان فيه حريم كذا تكون طلوقهم 😰
المهم رحت يوم الاثنين للمستشفى وقالوا معك طلق لكن مهو منتظم وبنركب لك طلق صناعي وقتها كنت تامه ٣٨ اسبوع وطبعا اخذته مع ابرة ظهر لكن الرحم مو راضي يستجيب والنونو مانزل للحوض كان وزنه كيلوين ونص وقالوا بسبب صغره ماهو قادر يدف نفسه للحوض !
وبعد محاولات وجهد حولوني عملية والحمدلله على كل حال 😮‍💨

كل هالاسامي تجنن ماشاء الله 🥺💖💖
انا هالايام زوجي معجبه اسم " نجود " وانا عاجبني بس مو عن اقتناع ١٠٠٪؜ 😇🤣
عاد انا قايله لادخلت الثامن على خير وصحة لازم اجزم ع اسم واستعد 😌

يازينكم وتجمعكم الله يسهل ويتمم على خير
مستغربه كيف مشت الايام بسرعه اذكر اني بالاسبوع ١٢ واقول يووه متى اوصل العشرين والحين بالاسبوع العشرين اقول متى اوصل الاسبوع الثلاثين 🤣🤣
حطوا عند اسمي شباصه ورديه
وش رايكم باسم رؤى 😍احس اي وحده رؤى حلوه ونعومه