مشكلة غريبة!

السلام عليكم ورحمة الله
اول شي انا متابعه قديمة جدًا لهالمنتدى الراقي و يشرفني جدًا الإنضمام إليكن حبيباتي ، ثانيًا انا فتاة جامعيّة ، و بخاطري افضفض شوي عن مشكلتي اللي اشوفها بالنسبه لي غريبة ، وممكن كثير يعانون وصراحه مالقيت لها حل ، حبيباتي انا منذ الصغر اعاني من مشكلة في السمع ، مو ضعيف لا
لكن نشأت بين أسرة صوتها عالي ، فصرت لما اخرج الى العالم الخارجي اعاني جدًا لما الاشخاص يتحدّثون اليّ ، كل شوي اقول " هاه؟ " فينرد عليّ بضحك : انتي ما تسمعين ههه؟ انحرجت كثير وسلّكت كثير ، في الحقيقة انا اسمع لكن ما يوضح لي الكلام! ، اثناء المحاضرات ايضًا صوت الدكتور ينسمع ، لكن مو واضح لي ، احس فيه حواجز تمنع كلماته من ان تصل الى مسامعي! للأمانه حاليًا فاقده الثقه بالنفس ومتوتره وقلقانه على طول قبل اي مناسبة ، و سويت تخطيط للسمع في صغري و قالوا ان سمعي تمام ، لكن اشك ان البلا في السمع و في الاستيعاب ايضًا ، عزيزاتي ممكن تفيدوني ، وتبردون قلبي بكلماتكم المُطمئنة وتجاربكم 🤍.

15 تعليق 2,196 مشاهدة

شاركي في النقاش

سجلي الدخول لإضافة تعليق.

التعليقات

15
  1. @gmalk_shrny

    ياختي دام مافيك مشكله طبيه
    خلاص وقلتي وضعكم كذا فالحمد لله
    انا مثلك احيانا مااسمع لازم ينعاد لي الكلام
    اللي يتكلم احيانا يصير صوتهم مره قصير او قصير مو واضح
    او بينا مسافه
    يعني يحتاج اعاده
    وعادي قالوا لك ماتسمعين قولي نعم ممكن تعيدين ماسمعت او ترا سمعي شوي ماسمعت زين او ماوضح لي المعلومه
    اهم شيء ماتحطين ببالك انها مشكله وبتعدي
    واذا ممكن روحي طبيب يكشف عليك بعمرك هذا مو بس يوم إنك صغيره
    واقري اذكار وقران وادعيه وتشفي بعد الله
  2. @halm_7

    صاحبة الموضوع
    جمالك سحرني
    ياختي دام مافيك مشكله طبيه خلاص وقلتي وضعكم كذا فالحمد لله انا مثلك احيانا مااسمع لازم ينعاد لي الكلام اللي يتكلم احيانا يصير صوتهم مره قصير او قصير مو واضح او بينا مسافه يعني يحتاج اعاده وعادي قالوا لك ماتسمعين قولي نعم ممكن تعيدين م…
    لا مرّات الشخص جنبي يكلمني و صوته مرتفع لكن مدري وش قاعد يقول 🙂! حرفيًا شي غريب كأنه يتكلم لغة ثانية غير ان استيعابي متأخر لين افهم وغالبًا ما افهم و اسلّك
    و بروح اكشف بإذن الله و شكرًا كثير على مرورك 🤍.
  3. @smo_almshaaar_15

    ممكن المشكلة مو بالسمع بس عندك تشتت تفكير يخليك مو مع الشخص لما يتكلم
    هل تعاني من كثرة التفكير طول الوقت ؟

تابعي تجارب أخرى من هذا القسم.