التبآشير الـحـ 11 ـادي عشر لمواليد يناير و فبراير2022🎉🤱🏻🥳

الله يقومها بالسلامه استودعناها الله االله يحفظها بحفظه

الحمدلله على سلامتك كيوتي والف مبروك يتربون بعزكم لاتشيلين هم اشعه الحوض حتى لعيالي قالو لي بعد شهر اجراء روتيني .. ونفس الشي كان عندهم صعوبه في الرضاعه بس الحمدلله ربي يسرها الحين ارتاحي دام هم بالحضانه عشان اذا طلعو تكونين مستعده ❤️

الله يبارك فيكم بنات ويجزاكم خير 🥺❤❤❤❤❤❤❤

الحمدلله يارب على الخلاص وعلى الفرج عقبالكم ياااااااارب تقومو بالسلامه❤❤❤

اكشني ..
امس العصر طلعت للمستوصف اللي بجنب بيتي اول ماشافتني الدكتوره ضحكت قالت انتي للحين ماولدتي تحطمت لما شفتها تضحك قلت لها اعملي لي تحريض اذا الرحم فاتح قالت طيب عملت سونار كل شي كان تمام وكان فيه طلق واضح بالسونار كشفت حصلت الرحم فاتح ٣ سم عملت تحريض قالت خلاص اللحين من ٤ الى ٥ سم روحي للمستشفى اللي بتولدين فيه طلعت من عندها ومعاي مغص خفيف ورحت لبيت امي جلست معها شوي وتقهويت معها ثم اخذت اولادي و وديتهم بيت اختي وطلعت للرياض على اساس اولد بمدينة الملك فهد لما وصلتهم كان معاي طلق وااضح بعد مابهذلوني تخطيط و فحص قالو معاك ولاده الرحم فاتح ٤ او ٥ سم وفيه طلق لكن اليوم مانستقبل الا الحالات الحرجه يعني امهات معهم امراض قلب او اجنه مشوهين !! قهروني مره قلت طيب وين اروح وانا ملفي عندكم اصلا وبيتي بعيد مشوار ساعتين قالو مالنا علاقه روحي لليمامه او الشميسي !
ضاق صدري مره وطلعت قلت لزوجي خلاص رجعنا للمستشفى اللي بجنب بيتنا خلاص قال اكيد بتتحملين قلت ايوه عادي توكلنا على ربي ورجعنا كانت الساعه ١٢ فالليل لما قربنا من حريملا جاني مغص قوووي وصرت اشد نفسي بدون مااحس ولا انكلم زوجي لاحظ علي وعرف اني خلاص واصله راح على طول لمستشفى حريملا عشانه اقرب شي لنا والحمدلله دخلونا بكل سلاسه وبدون تعقيد مستشفى قمممه بالنظااافه و التعامل الله يجزاهم خير كشفو علي طلع فاتح ٧ سم قالو ولاده خلاص هالكلام ١ ونص فالليل رقوني لغرفة الولاده كان قسم الولاده نظييييف وكل مريضه لها غرفه خاصه وحمام خاص وكورة تمارين خاصه ويكون معاك ممرضه طول الوقت المهم كل شوي يفحصون ويحطون تخطيط صارت الساعه ٨ الصبح ماتعدا ٧ سم والطلق فيه طلق قوي بس مو منتظم قلت لهم اعطوني طلق صناعي لاني اعرف نفسي مااولد الا بطلق الدكتوره اللي كانت معاي كانت عسسسسسل وصبوره وحبيبه مره هي والممرضه انتهى شفتهم الساعه ٨ ونص وانا لسى ماولدت 💔
استلمت حالتي اخصائيه وممرضه فلبينيه وممرضه سودانيه طبعا الممرضات طووول الوقت يتهاوشون على راسي يتهاوشون هوشه قويه توقعت بيتضاربو المهم صدع راسي منهم واجلس اترجا الدكتوره تعطيني طلق صناعي اخر شي وافقت وقبلها اعطيتهم خبر انو عندي حساسيه من نوع مضاد حيوي معين ماصدقوني قالو بنعملك اختبار حساسيه !! قلت لا انا اعرف نفسي اتحسس من هالمضاد طنشوني وعملو الاختبار شوي لاحظت يدي انتفخت و حلقي من داخل تسكر مااقدر اتنفس وخفقان والضغط عندي هبط عرفت انه من المضاد واقول للدكتور تقولي لا اللي اعطيناك نسبه بسيطه مايسبب حساسيه اصلا بس انتي تعبانه من قبل 😤
المهم تعبت مره وحطو لي اكسجين عشان اتنفس و مغذيات املاح عشان يرتفع الضغط وبنفس اللحظه ركبو لي الطلق الصناعي مخيلين !! يعني مسكني الطلق قووي وانا على جهاز التنفس وجسمي يرجف من انخفاض الضغط الشديد تعبت جلست اصرخ وابكي واحاول اشق هدومي من قدام عشان اقدر اتنفس ماني قادره وهم مطنشيييين ع الاخر اخر شي قلت لهم ابي عمليه واترجاهم مارضيو
وصل الرحم ١٠ سم وهم شادين علي حباب تخطيط الطلق ويقولون ادفعي بسرعه اقولهم مااقدر شيلو التخطيط لان التخطيط موقف للبيبي البيبي طلع فوق وجهاز التخطيط ضاغط تحت ماطاعوني قلت وسعي لي قالت الدكتوره لا انتي مو بكريه ماتحتاجي توسعه قلت انا عامله تجميلي ماينفع قالت عادي خلي البيبي يشق بنفسه وانا اخيطه بس انا بنفسي مااوسع لغير البكريه وكلت امري لله ودفعت بقوووه وكنت احسب هذا اليوم اخر يوم بحياتي 💔 بعد ماطلع ولدي مع صلاة الجمعه قالت الدكتوره البيبي عمل شق بسيط وبخيطه قلت طيب دخلت الابره وصرخت بأعلى صوتي قلت ماحطيتي بنج قالت مايحتاج اصلا الجلد مايتبنج 😣 حسبي الله عليها وتجلس تخيطني بدون بنج ابد وانا اصرخ بأعلى صوتي مع كل غرزه والممرضات اللي كانو يتهاوشون على راسي كلهم اتفقو علي ومسكو يديني ورجليني عشان مااتحرك 💔
خلصت خياطه وطلعت وتوريني الممرضه الشق اللي شقه البيبي حسبي الله عليها من دكتوره تخيلو صار شاق كل الجهات من فوق كامل ومن الجهتين يمين ويسار ومن تحت الى فتحة الشرج يعني على شكل زائد كله متفتح ومخيطتهم خياطه خرابيط بدا معاي نزيف بعد خياطتها وللان معاي النزيف دعواتكم 😣