هذة الشخصية عدوة الفرح

@am_adm_alshrkyh

بسم الله الرحمن الرحيم
السلام عليكم و رحمه الله و بركاته
كيفكم أخواتي
فيه بنات بالمنتدى احبهم في الله
و جميل لما تحبي أخت في الله تقولي
ما اعرف اسمائهم بس هم:

Faith


قمر ليلة ١٤
أمواج هادئة
السعوديه💚🤍
زهرة السوسن
زهرة بنان
نالان
صاحبة الغيم
بنت الامير التميمي
قمر الزماان
نهى24
روعهه77
سمو المشاعر
نعود لمحور حديثنا 😂
في مجتمعنا بعض الشخصيات اللي هيمثلا لو شافت وحدة اشترت بيت كبير قالت لها ليه البيت الكبير يبيله عامله و ترا بيت صغير يكفيكم




او مثلا طلعتي قرض عشان التزامات لك و تجي تقول الدين شين ترا تحسفين وش يبقى من راتبك




مثال آخر : وحدة رزقها الله و حملت و عندها أطفال تجي تقولها عيالك صغار ليه الحمل ما بعد تعافيتي و ترا يبيله تربية و فلوس


مثال آخر :وحدة مرتبها ٣٠٠٠ ريال و تحب دوامها و راضية تجي نفس الشخصية ذي تقول ليه التعب ما يستاهل الراتب


مثال آخر :عروسة حملت بداية زواجها بدل ما تبارك لها تقول مستعجلة على الشقاء ليه؟ وش لقينا منهم (تقصد الذرية)


مثال آخر :وحدة اشترت ذهب يا اختي الذهب زينة النساء و تبي تلبس و تتزين هههههه بدل ما تقولها لبس العافية تقولها ترا الذهب اذا بعتيه ما جاب لك سعره و ترا بس زكاة


مثال آخر :بنوتة انخطبت و فرحانه و سوت ملكة تقولها تراك بعز في بيت ابوك و بتكرفين له و لأهله الله يعينك الزواج مسؤولية


مثال آخر:أم فرحانه بنجاح عيالها بالمدارس قالت ترا المناهج سهله تغيرت وين مناهج زمان صعبه الحين الدراسة لععب


عاااااادي جداااااا الكلام اللي فوق لو انقال لكن اذا كان اسلوبها هذا بكل مناسبة لكل أحد فهذا خطأ الدين يحب الرفق و التفاؤل




الناس مو ناقصة نكد او كلام يجرحهم ااوك قولي اللي بخاطرك بس أولا باركي و افرحي لهم و ادعي لهم بالبركة و التيسير


(لا تكسرين الفرحة)

منقول
الموضوع منقول بس ابي ارائكم و اشكركم جميعا

9 تعليق 961 مشاهدة

1 0

شاركي في النقاش

سجلي الدخول لإضافة تعليق.

التعليقات

9

  1. @hdoaa_ost_alzhaaaam

    ههههههه احسب فيه وحده ناشبة لك بكل مناسبه


    اقول الله يعينها
    مممممم انا عن نفسي
    الكلام هذا عادي خالصين منه ونعرف لكل شي سلبيات واجابيات
    بعض الناس بعد ماتبارك تبي تناقش وتمازح

  2. @halm_7

    شوفي يا حبيبتي ، كلامك صحيح وفعلًا كثير كذا و والله توصل انها تكسر فرحتي وتقهرني ، اختي بعض الاحيان كذا اسلوبها معي بس ادري ان هالشي ممكن يكون اهتمام زايد عليّ او خوف عليّ لذلك اتجااااهل ، لكن فعليًا بعض الناس ممكن تكون من حسد اعوذ بالله او نيّتها شينه ، عشان كذا يا حلواتي ضروري نفرّق بين اهتمام زايد و حسد و ردّة فعلنا تكون بناء على هالشيئين ، والله يكفينا الشر 🤍.

  3. @bnt_slyman_1

    فالإنسان إذا ابتعد عمَّا لا يعنيه، ولم يدخل في مشاكل الناس، ولا في سؤال فلانٍ وفلانٍ عمَّا لا يعنيه، فهذا هو من كمال إيمانه؛ لأنه قد يدخل في شيءٍ يضره، أو يُشوش على غيره، أو يُسبب فتنة.
    (من موقع الشيخ عبدالعزيز بن باز رحمه الله)

تابعي تجارب أخرى من هذا القسم.