🌸التجمع 214 للحقن المجهري و أطفال الأنابيب 🌸

السلام عليكم انا جديده في المنتدى يابنات وعندي كذا استفسار اذا سمحتوا لي
انا اراجع في مستشفى التخصصي الرياض وكلموني قبل شهر وقالولي خذي حبوب منع حمل لمدة 25 يوم وبعدها وقفيها واعطوني موعد بعد ماوقفها بسبعه ايام يعني تقريبا بكون في اليوم السادس من الدورة
هل طبيعي يقدرون يبدون في التنشيط واجراءات الحقن المجهري من سادس يوم دورة ؟ وكم يوم التنشيط؟
واصلا ليه يعطون حبوب منع حمل لمدة 25 يوم كل يوم حبه قبل الحقن المجهري
وكم جنين يرجعون التخصصي هل واحد ولا اثنين ولا كم ؟
وهل يعطون اجازة لاني من خارج الرياض واللي قريته في المنتدى انو الوحده يبغالها 20 يوم تقريبا تقعد في الرياض عشان اجراءات الحقن المجهري هل هذا صحيح؟ وهل يعطون اجازة للمدة كاملة لان دوامي خارج الرياض
وهل ال20 يوم كلها براجعهم ولالا
وشكرا جزيلااااااااا لكم

الله يسهل امرك

بالنسبه لحبوب منع الحمل اتوقع عشان بطانه الرحم
وان شاء الاخوات المجربات يفيدونك

بنات المفروض دورتي بعد ١٢ يوم
الحين وانتم بكرامه القى لون بني
هذا وانا ما مداني اخذ حبوب توقف الدوره عشان الاشعه 😅😅
كنت قبل يومين عند الممرخه وعملت لي كاسات وووو
شكل الكاسات بتعجل بالدوره

قدر الله وما شاءالله فعل
ربنا يعوضك خير و يعوضنا ويرزقك ويرزقنا بالذريه الصالحه

الله يعوضك العوض الجميل ويفرحك بحملك وولادتك طفل سليم يارب
اول انتي تاخذين فيتامينات ايام التنشيط
ثاني شي سوي منظار رحمي الحكومي سووه لي مجانا تخصصي بريدة
سوولي تحليل اجسام مضادة
تحاليل ثاني يوم الدورة وتحليل غدة وسكر وB12
اذا كل هذي التحاليل سليمه وماعندك ولا مشكلة
سوي تحليل للاجنة
انا اخر حل سويته هذا الحل
وانصحك فيه
بعد ٥ محاولات ترجيع
و٤ دكاترة محتلفين
و٤ مرات سحب
و٣ حملات تنتهي بتوقف نبض الجنين فجاءه
واللن انا توني خامس يوم ترجيع
انا بويضاتي فوق الممتازه وكل شي سليم حتى منظار رحمي
ماتتخيلين كيف تعبت والله وحدة العالم كيف تعبت وتسلفنا لدرجة زوجي باع سيارته
واشتغلت ٦ سنوات بوظيفه ماتهنيت بريال منها
كلها بجمعيات علشان العمليات
حتى الحكومي جربت كل ماتتخيلين
واصريت ع الدكتور الاخير التحليل
وطلع فعلا ً الاجنة مريضه وواحد سليم
وهو الي رجعته الله يكتب لي شوفته بصحة وسلامه ان شاء الله ويفرحني ويعوضني
ويعوضكم وحدة وحدة يابنات وافرح بحملكم كلكم