كيف اعدل غلطتي

السلام عليكم
اقسم بمن احل القسم
اني استانس جداً لما احد يسألني من فين لبسك باخذ مثله
او من فين طقم ترامسك بشري مثلهم
او مكياجك او عطرك
واعلم على طووووول واحيان اذا ميزانيتي تمام
على طول اطير لسوق واشريه واقول يارب انها لسا مااخذته عشان بفاجأها فيه
ولا اعرف احسد على اشيائي
ومتعوده اسأل وأنسأل
لكن يبدو لي اني سألت الشخص الغلط
اعجبني ريحة عطر سلفتي وسألتها عنه قالت مااعرف اسمه
قلت عادي صوريه لي وقرأت رسالتي ولا ردت عرفة انها ماتبي تقول لها الحين شهر
وشافة نفسها علي
وتتروش فيه اذا جتني او اذا قابلتها فبيت اهل زوجي
انا ندمانه يابنات قد شعر راسي اني سألتها
بصراحه كرهت العطر ولا حابه اشريه لو لقيته
من كثر ماني مفتشله من حالي ومن الموقف ومن شوفة النفس
كأني طالبتها اكسجينها مو عطرها
كيف اعدل الموقف اكلت نفسي بتفكير احسني كرهت نفسي

42 تعليق 7,601 مشاهدة

شاركي في النقاش

سجلي الدخول لإضافة تعليق.

التعليقات

41
  1. @smawy_alhan

    وين الغلط أصلا عشان تعدلينة
    كل اللي طلبتية اسم العطر
    ليش هذا الاحساس بالذنب هي ما تريد تقول اسم العطر انتِ ليش شايله هم للي صار؟
  2. @asbryso_1

    عادي هي حره 🤣 مو لازم كل الناس زيك يعني وكان فهمتيها من اول ماقالت ماعرف اسمه ترى كثير مايحبون يعلمون بأشياء كيذا
  3. @love_and_life

    امدحي عطر وحده من الموجودات وهي فيه 😂 وقولي هالايام صايره اموت ع العطورات
    عشان ماتحسب ان هي وعطرها اخر حبه

تابعي تجارب أخرى من هذا القسم.